Julianna
"Aling Cely, ano po ba ang nangyari kay Trinity?" pag-uusisa ko sa matanda habang naglilinis ito sa silid ko.
Usap-usapan kasi ang tungkol sa kanya. Tila nga natutuwa pa ang iba sa nangyari.
Dalawang araw na simula noong matapos ang party, at dalawang araw ko na ring hindi nakikita na palakad-lakad rito sa bahay si Trinity na parang siya ang may-ari ng bahay.
Hindi na rin siya nagtutungo rito sa kwarto ko upang utusan ako sa kung ano ang dapat kong suotin sa buong araw. Iyon kasi ang order ni Aljon sa kanya.
Mabuti nga at hindi siya nagagalit dahil hindi nagagawa ni Trinity ang duty niya.
"Napaso raw sa plantsa ang braso. Dalawang araw na siyang nilalagnat dahil doon." Ngumiti ito.
Kumunot naman ang noo ko, subalit hindi na ako nagtanong pa kahit na may nabuo sa utak ko.
G
