"Buwisit!" inis na sabi ni Heaven matapos masunog ang niluluto niyang ube halaya.
Hindi naman kasi siya maalam sa ganoong bagay. At iyon ang unang beses niyang susubukang magluto ng ganoong panghimagas. Wala naman kasi siyang hilig sa ganoon. Kung tutuusin, may pera naman siya para bumili ng ganoon pero ayaw niya. Mas gusto niya na siya mismo ang magluluto.
"Kainis! Bakit ang hirap naman yata nitong gawin pero sa video madali?" bulong niya sa sarili.
Itinapon niya ang nasunog na ube halaya. Doon niya lang napansin kung bakit ito nasunog ay dahil malakas pala ang apoy. Muli siyang sumubok gumawa. Gabi na ng mga oras na iyon. Alas onse pasado na pero iyon ang inaatupag niya.
"Buwisit talaga!" aniya nang magkamali na naman siya.
Iritable na siya sa mga sandaling iyon. Gusto niya kasi n
