Dalawang linggong hindi nagtungo si Kiara sa apartment ni Heaven dahil gusto niya munang pakalmahin ang sarili at makapag- isip. Gusto niyang sanayin ang sarili na hindi puwedeng si Heaven ang taong masasandalan niya kapag nalulungkot siya. Dahil baka dumating ang araw na masasanay siyang ito ang makakasama niya palagi at kapag nawala na ito, baka hindi niya kayanin.
"Hindi ka pa rin pumupunta sa apartment niya?" tanong ni Jenica sa kaniya.
"Oo... hindi pa."
"Buti hindi siya nagtatanong sa iyo kung bakit?"
Bumuntong hininga si Kiara. "Wala.... walang message nga sa akin. Kapag ilang araw akong hindi nakakapunta sa apartment niya, magme - message na iyan. Pero ngayon, wala. Kaya nakikinig na lang ako ng maigi sa klase niya para hindi na ako magpunta pa sa apartment niya, para magtanong
