Naibagsak ko ang teddy bear nang halikan niya ko. Umaatras ako para makaalis pero hindi niya ko nilulubayan. Kumapa ako ng makakapitan dahil ayokong kumapit sa kanya at akalain niyang natutuwa pa ko sa paghalik niya. Hindi rin ako humahalik pabalik. Natauhan na kong mali 'to.
Noong kami pa, nagseselos ako agad sa mga babaeng kumakausap sa kanya. Naisip ko na ano pa kaya ang mararamdaman ni Pia kung malalaman niya 'to.
Tinulak ko siya palayo. Kunot ang nuo niyang tinignan ako, nagtataka kung bakit ko 'yon ginawa.
"Tama na, Raf. Hindi ako malungkot para halikan mo."
Tinalikuran ko siya at mabuti na lang na hindi siya sumunod dahil baka hindi ko na makayanan. Baka magpadala na naman ako sa temptasyong dinadala niya lagi sa akin.
Sobrang init nang pumasok ako sa kwarto. Sinindihan ko aga
