"Paano mo nalalaman 'yon? Turuan mo ko." Binabaan ko siya ng kape sa lamesa.
"Hinulaan ko lang." Humigop siya.
"Sige na, Raf. Kahit sabihin mo lang sa akin 'yung date na pwede namin 'yon gawin tapos mabubuntis ako."
"Bakit sa akin mo tinatanong? Sarili mo 'yan."
"Bakit nagagalit ka? Nagtatanong lang naman ako." Sumaldak ako ng upo sabay sandal na may sama ng loob. "Saka sabi mo kaya ka bumalik kasi nag-aalala ka sa akin. Tapos ayaw mo naman akong tulungan ngayon."
"Bumalik ako kasi nakita ko 'yung dugo mo sa upuan ng kotse ko. Sisingilin lang kita ng pampalit no'n."
"Biro ba 'yan?"
"Mukha bang nagbibiro ako?" Sumandal din siya habang humihigop ng kape.
"Mabanlian ka sana."
"Hindi ka sana mabuntis."
"Raf!" Sinipa ko siya sa binti at tinawanan niya naman ako. "Nga pala, ano bang n
