"What do you think?" masayang tanong ko kay Raf nang sabihin ko ang tungkol sa coffee shop na gusto kong itayo.
"Ayos naman." Parang hindi siya kumbinsido kaya napakunot ako ng nuo.
"Parang hindi mo naman nagustuhan." Sumimangot ako at naupo.
"Nagustuhan ko. Lagi mo kong sinusuportahan sa choice ko at ngayon ikaw naman ang gusto kong suportahan."
"Dapat lang. Sa'yo ko manghihingi ng pera, e." Natawa siya. "Partners naman tayo. 70/30."
"Partners?" Nakangiti siya. "So, sa akin ang 70. Dahil sa akin ang pera, 'di ba?"
"Luh, wala ka namang gagawin do'n. Sa akin 'yung 70. 30 lang ang sa'yo," paliwanag ko, pinipigilang matawa.
"Ang hirap mo palang ka-negosyo. Dapat 50/50."
"Mag-asawa tayo–" "Kaya nga 50/50 dapat." Nakatawa siya at maya-maya ay pinanggigilan ang pisngi ko.
"Aray, mas
