"Ayos ka rin, 'no? Pinakilala mo nga sa akin si Lory pero siniraan mo naman agad ako." Inakbayan ako ni Kyle. "'Yung totoo? Gusto mo ba talagang magkatuluyan kami o hindi?"
"Ikaw ang gusto ko para sa kanya. Kilala kita," labag sa loob kong sagot.
"Oh! Ayon naman pala! Bakit mo ko sinisiraan? Talagang napapa-back out mo na ko kanina. Akala ko mahal mo pa."
"Mahal ko pa." Tinignan ko siya.
"Owkey..." Inalis niya ang akbay sa akin. "Ayoko na kung gano'n!"
"Please, Kyle. Matagal na tayong magkakilala. Ikaw lang ang mapagkakatiwalaan ko sa kanya."
"Para ka namang tanga niyan, Raf. Kung mahal mo, balikan mo."
Umiwas ako ng tingin. "Hindi pwede. Nakabuntis ako, Kyle. Kailangan kong panindigan 'yon."
"Paano ka?"
"'Wag mo kong pansinin. Hayaan mo lang ako at.."
"At?"
"'Wag na 'wag mon
