Sabi nila matatawag lang na isang tahanan ang bahay kung masaya 'yung mga nakatira dito. Kung nagmamahalan silang lahat. May daddy, mommy at baby.
"Kaya pala hindi ka niya binigay. Kasi hindi siya masaya."
Umunan ako sa kuna na binili ko dati. Nandito ko ngayon sa loob ng nursery room na ako mismo ang gumawa. Baby na lang talaga ang kulang.
"Nasasaktan ako. Nakakainis," umiiyak kong bulong habang dumudukdok. "Bakit kasi tinanong mo pa 'yon? Bukod sa malandi ka, tanga ka rin, Loribelle, 'no? Napakatanga mo."
Pagkatapos ng gabi na 'yon, hindi na ulit kami nagkita ni Raf. Hindi siya nagpaparamdam sa akin na para bang wrong question ang natanong ko. Tapos pati itong si Stephen, mukhang galit at hindi rin nagpaparamdam.
"Kalimutan mo na silang dalawa. Kung ayaw nila sa'yo, edi don't." Umi
