BAGO bumaba sa kapatagan ang grupo nina Jhyne para kusang sumuko sa grupo ng mga taga-Camp Villamor ay pasimple niyang kinausap ang kapatid dahil hindi talaga siya mapakali.
“Ano ba, sis? Bakit bigla kang nanghihila? May problema ba?” sunod-sunod na tanong nito.
“Makinig ka, kuya. Simula pa noong nakipag-ugnayan tayo sa Camp Villamor sa pamamagitan ni De Luna ay nandito na iyong kaba at pakiramdam ko. Wala akong pruweba pero pakiramdam ko parang may mali,” ani Jhyne.
“Ano’ng ibig mong sabihin, sis? Lahat naman tayong nandito ay sumang-ayon sa pagsuko natin, ah,” nagtatakang tanong ni Jake.
“Okay, Kuya, pero makinig ka. Kayo ng mga kasamahan mo rito matagal nang magkakakilala samantalang ako ilang buwan lang, at ngayon ako ang nag-encourage sa inyo na sumuko. Ang sa akin lang, in case
