“MAGANDANG umaga po, mga kapamilya. Pansamantala po nating pinuputol ang ating programa sa oras na ito para sa isang flash report. Miss Ortega, pasok,” ani ng anchor woman.
“Magandang umaga, kapamilya. Narito po ako para ihatid sa inyo ang nagbabagang balita sa oras na ito.
“Ayon sa aming mga nakapanayam ay paalis na ang pampasaherong jeep mula sa Tabuc, Cordillera, nang bigla itong sumabog, dahilan para maalarma ang taumbayan kaya’t agad silang humingi ng tulong sa mga awtoridad para rumesponde. Aming nakapanayam ang ilan sa mga alagad ng batas na nasa lugar na pinangyarihan ng krimen at ayon sa mga ito ay isa sa mga pasahero ng jeep si SPO1 Jhyne Juntilla na pauwi sana sa kanilang lugar dahil ayon sa mga ito ay naka-leave ito. Ayon sa mga rumespondeng mga pulis ay walang nakaligtas s
