(Ignited)
NAPASARAP ANG TULOG NI Fortney dahil nang magising siya ay madilim na ang paligid. May malamlam na liwanag na nanggagaling sa maliit na mesa at sa tabi nito ay may isang tray na puno ng pagkain.
Ano’ng oras na ba?
Tiningnan niya ang paligid kung makikita ang anino ni Garette ngunit wala ito. Marahil ay nasa dating silid na inookupa niya dahil inilipat siya nito sa silid na malambot ang kama.
Maingat siyang bumangon. Nilapitan niya ang mesa at doon ay nakumpirma niyang pagkain nga ang mga iyon na inihanda sa kanya ng binata.
Hindi niya mapigilan ang mapangiti. Tiyak na pinaglaanan iyon ni Garette ng oras lalo pa at nahimbing siya sa pagtulog. Hahanapin niya ito at pasasalamat kaya naman nagmamadali siyang buksan ang pinto upang tumama lamang sa dibdib ng binata.
“Be careful
