[Chapter 17]
"GOSH, salamat at gising ka na!" Ang malakas na boses kaagad ni Harley ang sumalubong sa akin nang magising ako. Sinundan ito ng mahigpit niyang yakap.
Maya-maya pa'y narinig ko na ang nagmamadaling yabag mula sa labas ng kuwarto. At ilang sandali pa ay bumukas ang pinto at iniluwa nito sina Clifford at Sonja. Dali-dali silang lumapit sa akin at pinaulanan ako ng mga tanong na iisa lang naman ang sagot...
"Okay lang ako." Bahagya kong itinulak si Harley dahil mukhang nakatulog na yata kakayakap sa akin. Bumangon ako at nagtataka silang tinignan.
"What's with the face, guys?"
Mabilis na tumayo si Harley at binatukan ako. "Anong 'what's with the face, guys?' Hoy, babae, para ipaalam ko sa iyo, dalawang araw ka nang tulog! At isa pang hoy, babae, alalang-alala kami sa iyo da
