"Buwisit ka kahit kelan?" reklamo pa ni Jupiter habang halos tulog na si Trigger sa loob ng elevator. Buti na lang hindi n'ya dinala ang motor n'ya kaya kotse ni Trigger ang gamit nila pauwi. Pilit n'ya itong hindi hinahawakan dahil kinikilabutan talaga s'ya dahil bukod sa basa ito pakiramdam n'ya amoy laway ito na humahalo sa amoy ng pabango at amoy ng downy sa damit nito. Panay ang tulak n'ya rito sa mukha sa tuwing gusto nitong yumakap dahil hirap na itong lumakad. Kinakailangan pa n'ya itong saktan para lang magising-gising kahit konti para makapag lakad.
"Konti lang naman ang nainom ko pero bakit lasing ako." reklamo pa ni Trigger na nakasubsub sa wall ng elevator na pabale-bale pa ang tuhod.
"Malay ko sa'yo abnormal ka. Ikaw na ang pinaka nakakadiring lalaki na kilala ko."
"Sobra
