PAGDATING ni Lorrene sa bahay ay dumiretso siya paakyat sa kanilang silid. Gusto niyang tingnan kung bumaba na ba ang lagnat ni Froilan.
“Kumusta na ang pakiramdam mo, Froilan? Maaga akong umuwi para maalagaan ka.”
Nanghihinang bumangon si Froilan. “Okay na ako, Lorrene. Inalagaan ako ni Ate Beth at bukas din ay puwede na akong pumasok sa opisina.”
“Mabuti naman kung gano’n. Siya nga pala, muntik ko nang makalimutan. Tumawag si Mr. Arthur Briones, nasa Pilipinas daw siya ngayon at gusto niyang makita ang kalagayan ng plantation. Nagpatawag na ako ng meetong sa lahat ng staff kaya maayos na ang lahat, naipaliwanag ko na rin ang mga dapat nilang gawin bukas,” paliwanag niya sa mga nangyari ngayon araw.
Mapait na napangiti si Froilan. “Gano’n ba? Maraming salamat. Napakaresponsable mo tal
