“Ano'ng nangyayari dito? Bakit kayo nagsabunutan?” Nagpabalik-balik ang tingin ni Lorrene kay Kyla at Ashley na parehong magulo ang buhok.
Nagmamadaling lumapit si Kyla para magsumbong. “Lorrene, si Ashley ang may pakana ng lahat. Siya ang naglagay ng asin sa kape ni Mr. Briones.”
Nagsalubong ang kilay si Lorrene. “Ano? Totoo ba ʼyon, Ashley? Bakit mo ginawa ʼyon? Hindi mo ba alam kung gaano kaimportante sa amin ang taong ʼyon?!” Nilapitan niya si Ashley ngunit hindi man lang ito natinag sa kinatatayuan nito.
“Dahil gusto kong gantihan si Kyla sa pagsumbong niya sa ʼyo!”
“Gantihan?” hindi makapaniwalang tanong niya. “Nang dahil sa abnormal mong pag-iisip sinira mo ang kape na para sa business partner ng kompanya! Hayop ka talaga, Ashley! Walang hiya ka, kahit kailan demonyo ka!”
Mala
