Isang marahas na paghinga ang aking ginawa. Hanggang sa tumingin ulit ako kay boss Zach. May ibinigay rin itong mapa ng lugar ng Oxon. Siguro'y pag-aaralan ko muna nang husto ang misyon ko bago ko pasukin ang Oxon.
“Magsimula ka sa Sta. Luz, dahil doon sila nagsimulang maghamik ng lamig. Isa rin sa dahilan kaya sa ‘yo ko ibinigay ang kaso ng grupong Kalistar ay dahil tagaroon ka sa Sta. Luz at alam mo ang pasikot-sikot sa lugar ninyo. Kapag natiyak mong malinis na ang lugar ninyo at wala nang bahid ng mga kasamaan ng tao ay saka ka pumunta sa Oxon. May tiwala ako sa kakayahan mo, Farah. Ngunit kung talagang hindi ka basta makakapasok sa Oxon ay puwede kang bumalik at ako na mismo ang bahalang magbalik sa kataas-taasan ng misyon na iyan,” tuloy-tuloy na litanya ng boss ko.
Marahan akong
