Dali-dali kong inamoy ang plastic bottle. Kumunot ang aking noo dahil kakaiba ang tubig na ito. Mabilis tuloy akong lumingon upang alamin kung sino ang nagbigay ng tubig para inomin ng bata. Biglang naningkit ang mga mata ko nang makita ko ang likod ng isang lalaki. Nagmamadali itong sumiksik sa mga tao upang hindi ito mapansin. Hayop na ‘yun!
Napansin ko rin ang kasuotan nito ay katulad ng kasuotan sa lunsod. Mukang hindi siya tagarito sa Oxon, katulad ko lang siya na isang panauhin sa lugar na ‘to.
Agad kong sinabi sa ginang na hindi nito puwede ipainom ang tubig sa anak niya dahil marumi. Hindi ko na lang sinabi na may lason ang tubig.
Agad akong nag-utos kay Lala na bumili ng malinis ng tubig para sa bata. Nagmamadali namang sumunod si Lala. Muli akong bumaling sa bata na ngayon ay
