It has been a happy talk, conversation and chitchat with the two oldies, to the point that we didn’t even notice the time. Kung hindi ako nagkakamali ay halos mag-a-alas diez pa lang ng umaga nang makarating kami rito sa kanila, at dahil sa masayang usapan ay hindi naming namalayan na mag-a-alas dose na pala ng tanghali.
Napakagaan kausap ng dalawang matanda, iyong tipong akala mo ay wala silang dalang kahit na anong problema, na siya naming nakakatuwa ng sobra. Bukod pa roon ay pareho silang mapagbiro, madalas nga ay halos sumakit na ang tiyan ko kakatawa.
Nang matapos ni Nanang ang niluluto niyang sinigang kanina ay nagpasya kaming pumunta lahat sa munti nilang sala kung saan may isang mahabang upuan na gawa sa kawayan, at dalawang single-type, meron ding maliit na telebisyon at radio
