(عشك الجبل(الجزء الثاني

9

.بابا ..باباتي طلعت اولى ضحكتي ماتت وشهادتي وكعت من ايدي واني اشوف الناس ملتمه ابابنا ... وجدو يبجي ويمسح دموعه بشماغه الي جان دومه مرفوع على راسه ... بيبي وامي نايمات على تابوت ميخلون الزلم يشيلوو... ويصرخن باسمه... اشوف نضره الشفقه بعيون كل الناس ...واصواتهم تتردد باذني... خطيه تيتمت...بعدهاا صغيره ...منو الهاا ابوهاا مات وعافهاا .. يحجون واني منصدكه ...معقوله بابا عافني وراح ذبيت كل شي من ايدي ... ركضت الهم رحت الجدوو احاجي ميجاوبني بس يبجي ... جدو وين بابا ...جدو فدوه اريد بابا ليش مخلي بلتابوت ...راح يختنك سحبني جدو لحظنه ...يبجي ويكلي ابوج بطل ...بنيتي ابوج شهيد مجنت اعرف شنو شهيد ولا همي شي بس ارد اعرف وين مودين بابا ... بحظنه وعيني علتابوت واشوف منظر امي شلون تملخ بنفسهاا وخالاتي يردن يسحبنهاا من التابوت وهيه تدفع بيهن وتشمر نفسهاا على التابوت وتصرخ ... طلعواا انتو جذابين ..حيدر ميعوفني لزمت ادين بيبي الي صايره مثل الميت جسد بلا روح تحجي ودموعهاا تصب...يمه كليلهم حيدر عدل ما ميت ..يمه شبيج وهي تهز بيبي ...رعبني منظرهاا اتهسترت كمت اسحب بروحي من يم جدو واني اشوفهم يردون يشيلون تابوت ابويه ...اريد الحك على بابا حسيت ضاع مني اغلى شي بحياتي اختنكت بس اريد احرر روحي وروح لابويه ...كمت اهمس بابا وين ...اريد بابا كمت ادفع بجدي بخبال بكل قوتي بس اريد اشوف ابويه ... ما صدكت عافني ركضت بين الناس الي ملتمه على على تابوته ... عمامي جانو كاعد يرفعونه وامي تصرخ وصوتهاا راح من العياط خالي لازمهاا ... بيبي بيد النسوان ... رحت ذبيت روحي علتابوت ما خليتهم يشيلونه ... اجه عمي يريد يشيلني شالني وبعدني... كمت ارافس بين اديه واكله ودموعي تجري ...عوفني وين مودين بابا ... عضيت ايده ورجعت نزلت رجعتله جنت ارد اطلع ابويه ...دفعت الغطا مال التابوت ... شفته،شفت بابا نايم ومغنض عيونه ... ضحكت وباوعت لماما الي واكعه بلكاع وتباوع وساكته ... شوفي ماما...هذه بابا نايم ليش تبجين هسه اكعده هناا صرخ جدي بعمامي ...شبيكم واكفين شيلوهاا لتخلوهاا تشوفه ... عمي يشوفني يبجي ومنزل راسه ... كمت اتلمس وجه ابويه واني اكله ..بابا طلعت الاولى مثل ما جنت ردت ... يله كوم وفي بوعدك ...حبيبي بابا اهز بي ميتحرك كمت اشهك ... شبيك بابا شي يوجعك ...لعد ليش متكوم استهضمت واني اشيل ايده وميتحرك ...كوم ارد اانام بخضنك ..لتعوفني حبيبي فدوه والله بعد ما عاندك واطلع كله اولى ...بس كوم محسيت الا واني اوكع بحضنه ما دريت بعد بشي ... صحيت ضليت اباوع للسكف شويه وكمت اضحك ...يعني كل الصار حلم باوعت للغرفه لكيت نفسي بغرفه جدي باوعت لملابسي بعدني مغيريهن... ارتاحيت كلت اكيد حلم بس استغربت شجابني ... كلت اكيد نمت واني ما ادري بنفسي ... كمت بسرعه نزلت من الجربايه اركض ...ارد اروح لبابا واحجيله على الكابوس الشفته ... اصيح ...بابا ..بابا ،ماما وينكم امشي البيت فارغ ...رحت لغرفه بابا كلت اكيد هسه نايم هو وماما وذابيني يم جدو الخونه ... دائما يسووهه بيه ...يقشمروني يكلولي روحي لجدج يشتريلج ... ومن اجي الكا ماما بحظنه ...واني اجي بنصهم اوخر ماما الي تضحك عليه وانام بدالهاا ..ما خليهاا تاخذ بابا مني ... وكفت اباب غرفتهم خليت اذني على الباب ماكو صوت ...وفتحتهاا بسرعه واني اطفر كدامهم مثل كل مره ... بس ماكو لا بابا ولا ماما لكيت الغرفه فارغه طلعت بسرعه واني امشي واتعثر ... نزلت جوه دخلت للصاله شفت ناس هوايه كاعده اول ما دخلت كلهاا كامت تباوعلي ...كلهاا لابسه اسود وتبجي ... اني اباوع ارد اشوف امي ابويه ملكيت احد ... شفت نسوان عمي وخوالي ... اجتني مرت عمي ... كلتلي شوكت كعدتي حبيبتي ...تعالي وياي وهيه تاخذ ايدي ... وخرت منهاا... كتلهاا بصوت ناصي واني اباوعلها بخوف من منظر الناس وايدي تعصر بطرف دشداشتي ... ..لا خاله بس وين ماما اريدهاا ... باوعلتلي بنظرات لهسه مغروسه ابالي ...شفقه وحزن يمه حبيبتي انه مثل امج ...شتردين جانت طبيعتي نحسه بابا علمني ما ثق واحجي الاريده بس لبابا وماما ...وجدو ضربت رجلي بلكاع وعيوني دمعت حسيت روحي وحيده شبيهم ذؤله وين ودو اهلي كتلهاا ...لا انتي مو امي .. عفتهاا ورحت اركض للاستقبال بس اريد اشوفهم دموعي كامت تجري واني اتذكر الكابوس ومنظر بابا بالتابوت ... فرحت واني اشوف بيبي كاعده بس موجنهاا هيه وجهاا كله جروح وراسهاا معصب وعماتي محاوطاتهاا ... ركضت لحظنهاا ...بيبي وين بابا وماما من كعدت ادورهم ما همه .. حظنتني حيل وكامت تبجي ...يمه اهلج راحو بعيد ما تلكيهم بعد ... ااي ..امي ماتت بنفس اللحظه الدفنو ابويه بيهاا ...جانت بيها فتحه بالقلب ... وقلبها ما اتحمل الصار لبويه ...جانت اخر كلمه الهاا دفنوني يم حيدر...دفنوهم واحد بصف الثاني ومن لحظتهاا تركوني وحدي... كرهتهم لان راحو وعافوني وحدي ...بقيت طول عمري اسئل نفسي نفس السؤال... ليش ما خذؤني وياهم ... شكد حاولو بيبي وزوجه عمي يعوضوني عن بعدهم ...بس جنت كل ما شوف بنات عمي ويه ابوهم وامهم... اكره نفسي ابجي بصمت ... بعدت عن الكل ... ما احاجي واحتك باحد بس جدي ... حاولو خوالي ياخذؤني ...ما خلاهم جدي ولا خله واحد من عمامي ياخذني ...كلي ما عوفج تحت رحمه احد ما طول راسي يشم الهوه... دللني دلال محد يحلم بي...صرت نسخه منه اطبعت بطباعه صرت عنوديه وما يصير الا الاريده لو مهما صار .. ما خله لا عم ولا خال يتحكم بيه ... درست من بد كل بنات عمي ...الي جانت الدراسه خط احمر عدهن... وجنت كل ما انجح واعبر مرحله ويشوفوني اكبر ويزيد جمالي ...عمامي يكلون لجدي بطلهاا كبرت شلون نخليهاا تروح للمدارس وحدهاا... ما سمع من احد جان مخليلي سايق الي وخدامه...اتقدمولي كل ولد عمي رفضهم كلهم ...كلي انتي تختلفين عنهن كلهن ما جبرج على شي ... وهسه اني صرت دكتوره جان عمري 27 سنه ...ادرس طلاب بجامعه ال *** دمعتي عمرهاا من نزلت كدام احد من يوم الي ماتو بي اهلي ... جنت ابجي وحدي وبغرفتي اكثر شي اكرها بحياتي نضره الشفقه...من ذاك اليوم قررت ما حب احد ولا اتعلق باحد ولا احتاج احد...ما خلي احد ي**رني بفراكه مثل ما **روني اهلي ... بس الي صار اليوم خلاني ارجع لذاك اليوم ...خلاني احس ولاول مره محتاجه اب يكون سندي... محتاجه ام تضمني لحظنهاا ...وتكلي لتخافين من كل شي مدام اني موجوده... بس كل هذه ماكو ...اني وحدي لا اب ولا ام كله من هذه الحقير ...صدق راح اخليك تندم مسحت دموعي ... بدلت ملابسي لميت شعري سويته ضفيره ...ابدا ما افل شعري بس لما اكون وحدي ... طلعت رحت لغرفه جدي ...فتحتهاا لكيته كاعد على سجاده الصلاه بوقار ولازم بيده القران ويقره بصوت مسموع ... هذي عادته من اتوفو اهلي وبيبي ... وهو بعد الصلاه يقره الهم قران ويهدي اروحهم ... اتقدمت منه ... بست راسه ...خليت راسي بحضنه وغمضت عيني واسمعه ...وهو مستمر يقره جنت محتاجه اسمع قران ...محتاجه اتقرب من ربي حسيت بايده تمسح بحنيه على راسي ... وصوته يدخل للقلب ...كله خشوع الى ان غفيت ... د فزيت لكيت روحي بلكاع بنفس المكان ...بس جوايه ومخده ومتغطيه ابطانيه ... باوعت للساعه ...انصدمت واني اشوفهاا ساعه 9 الصبح اتاخرت كلش ... يعني صارلي من البارحه نايمه ... كمت بسرعه ..باوعت على جربايه جدو ما هو ... نزلت لكيت جدو كاعد يشرب جاي اول مشافني .. ابتسم وكال ...صح النوم جنونه حبيبتي جان رحت بست راسه...صباح الخير جدو ،جدو ليش عفتني نايمه لهل ساعه اتاخرت علدوام شيخ قيس :شفتج نايمه وذابه نفسج ما انطاني قلبي اكعدج ..ومبين عليج تعبانه بعدين الدوام مراح يطير وانه ابوج ... جان بتعب :اي والله جدو البارحه رجعت كلش تعبانه .. جدو كول لام جاسم تحظر الريوك بسرعه بين ما بدل واجي ... شيخ قيس ...روحي بويه ،راح يموتج الدوام هذه رحت بسرعه بدلت لبست نفنوف يصير مخصر ع جسمي سبورت والجانب يصير بي خط ابيض واحمر ومن جوه بي جاكه ... ولبست وياه شال احمر وحذاء كعب احمر ...خليت مكياج خفيف بس حددت عيوني وخليت حمره ... لبست عمدتاا هيج واني اتذكر كلامه وهو يكلي ...لتلبسين هيج حته اثبتلك لا انته ولا عشره مثلك يتحكمون بيه ... اخذت السويج والفون وطلعت ... تريكت وطلعت بسرعه ... خابرت القسم خليتهم يخلون محاظرتي ثاني محاظره .... ............. فارس ...البارحه من عفتهاا واني بالي كله يمهاا بس ردت تصيرلي سلطه عليهاا ... حركت دمي شكد عنيده ومتكبره ...بس لازم اخليلهاا حد ... مهما صارت فاني فارس الي يريده ياخذه واني خليتج ابالي ... وصيت صديقي يجيبلي كل شي عنهاا من يوم انولدت لهسه ... كعدت من الصبح مثل كل يوم من لمن اجتي هيه ... اختاريت ملابسي بدقه ... طلعت من غير ريوك خاف اتاخر على محاظرتهاا ...مشتاق اشوف عيونهاا معصبه وتخزرني وصلت الجامعه...رحت للقسم لكيت جماعتي طبعاا كلهم متعجبين شعجب جاي من وكت وحاظر دبرتلهم حجه... دخلنه القاعه ... ضليت كل دقيقه اباوع للساعه ...احس كاعد على نار ارد اشوفهاا ... عبر وكت المحاظره وماكو ...معقوله صارلهاا شي شويه ودريت مغيرين وقت محاظرتهاا ... عفت المحاظره وطلعت ...رحت للكافتريا اخذت كوفي لكيت نغم ... جلبت واني مالي خلكهاا بالي كله ويه جان ... نغم ...صباح الخير فارس ،بس لو اعرف شعجب كمت ادوام صارلك كم يوم ... فارس واحنه نمشي للقسم وعيني علساعه...هيج اجه على بالي اداوم داومت عندج اعتراض .. نغم ..بلع** فرحانه كل يوم اشوفك ،شريد بعد فارس...عوفي الحجي راح تبدي المحاظره خل ندخل نغم بعدم اهتمام ...اووه دعوفهاا عدنه هاي الغثيثه عوفهاا وامشي نطلع اني وياك ... فارس كلش ضجت من حجت على جان والله انتي الغثيثه ...لا انتي روحي نغم ...بس ارد اعرف شنو هل شطاره النزلت عليك اداوم وتحظر محاظرات ... فارس وكف كبالهاا وهو واصله حدها من ملحتهاا...نغم لشغلين بالج بيه اداوم احظر ما احظر ...ما الج شغل حيري بنفسج ... عفتهاا ودخلت ... كعدت باول ستيج لاول مره ردت اشوفهاا واتمعن بيهاا عن قرب ... كاعد اكلب بالفون ...رفعت راسي واحس كلبي رف واني اسمع صوتهاا ... جان دخلت للقاعه ...سديت الباب وكلتلهم صبااح الخير ...الكل رد باحترام شفته كاعد باول ستيج ...سويت نفسي ما شوفه رحت لمكتبي ... فارس رفعت راسي ويا ريتني مشايف ...دمي احترك واني اشوف جسمهاا شلون بارز ومن تمشي كارثه ... اشتعلوو اهلج شلابسه ... بقيت اللوب واني اشوف عيون الكل عليهاا ... اخزر بيهاا ولا تباوع ... ما تحملت بدي اجرهاا هسه كدامهم واطلعهاا واشكهن عليهاا ... طلعت التليفون دزيت رساله لاستاذ محمد ... كتله دبر حجه والغي المحاظره بثواني ... صدك ثواني واجه السكرتير محمد ...حاجاها وطلع بعد ما طلع كالت ... الظاهر اكو ندوه ارشاديه ...اتفضلو انتهت المحاظره انتظرهم يطلعون واني كاعد على جمر ... اجاني احمد ...يله كوم فارس شنو ما صدكت كاعد بستيج السجاجه اليوم ... كتله واني كوه لازم اعصابي وعيوني عليهاا وهيه تلم غراضهاا بالجنطه ...احمد روح هسه مالي خلك شقاك بعدين احاجيك ... ظل يلح كوه راح ... شفتهم طلعوا ...وهيه تريد تطلع رحت للباب سديته وصرت كبالهاا ... رفعت حاجبهاا وباوعت بعينهاا ابرود بمعنى ...شكو .............. جبل بنعاس ...وج كاافي خل انام وراي كعده من الفجر ديم بعناد وهيه نايمه بحظنه وتكرص بي متخلي جبل ينام ...ما معلي متنام ...ابقه سولف وياي ارد ابقه وياك اكول وكت قبل متلتحق ... جبل ...اخ لج كعدي راحه مو من اكوم ما هدج والله ديم وهيه تضحك وتعض بخده ...ما مااااا هدك جبل بحركه سريعه خليتهاا جواي ولزمت اديهاا بادي وهيه تباوعلي بخباثه وتضحك وتحرك حواجبهاا ... هههههااااي ....خليتك تكعد جبل وهو يعض شفته ...تخبثين علي مو هزت راسهااا ب اي وهيه تضحك ... كتلهاا واني انزل لوجهاا...سهله كمت اعض بخدودهاا واكزكز بيهم ... وهيه تضحك وتعيط ...كاافي حبيبي ااه خدي نزلت لشفايفهاا ملختهم من العض وهيه تكرص بجتافي من الوجع ... ديم بوجع :كووم مني خبيث يمه شفتي ملختهاا متوحش .. جبل بهمس...يمه اذؤب اني واتوحش كدام العسل جبل وهو يضحك ...يله كولي استسلم حبيبي وانته الفايز ... ديم ...استسلم وربي وانته الفايز جبل عضهاا بجتفها حيل وسحبهاا لحضنه .. ديم ...اااي خبيث هاي عود ليش مو كتلك جبل وهو يضحك ...وج كدامي قيمر شلون ما تردين اكل بي ... ديم وهيه تخلي راسهاا على ص*ره ...يمه منك المكار جبل بجديه ...حبيبي سمعيني زين اريدج اديرين بالح على روحج ...لحد ما ارجع ديم وهيه كل ما تذكر راح يروح تستهضم ...وانته شكد راح اطول قابل جبل ...اهوو هم رجعنه ،كتلح بلا دموع ما ريد اشوفهن لتعصبيني ،هاي حرب ما ندري شكد تخلص يجوز اسبوع ،شهر الله اعلم ... ديم بشهكه وهيه تحظنه ...لا فدوه جبل لتغيب عني هلكد والله ما اكدر بدونك ..زين اخذني وياك والله ما سوي شي اجراي شقه لو باي مكان بس اهم شي ابقه يمك ... جبل بعصبيه ...شنو تخبلتي وين ماخذج بنص الدواعش ولج ..اضل حاير بيج هو اني روحي ممامنهاا انجبي وبلا حجي زايد ، مو اكلج صايره ثوله ومتعرفين تحجين ... ديم بزعل ...هااي اني هيج مو مشكور ، صوجي لان ما اكدر افاركك جبل وهو ياخذ نفس ويحاول يهده ...وح يرويحتي ليش مكبره السالفه ،تره اني من واني بزر بنص الرصاص والجيلات ... هاي بيئتي لتخافين علي ... ديم وهيه تدحس راسهاا بركبته وتشم بي ...ادري اني كلش الح واضوجك ،بس افهمني انته متعرف شنو انته بالنسبه اليه .. د انته من تغيب عني عيوني متنام الليل ،انته صرت ابويه وامي وحبيبي وكل شي ... اريد احميك واضمك بكلبي ،لتزعل مني من الح واضوجك... بس والله من حبي الك ... جبل وهو يجر حسره ...لحي وضوجيني وسوي بيه التردي...انه ملكج ورجلج ولو مهما تسزين ما ازعل وج والله ما هاين علي اعوفج ...اوووف بس شسوي ديم بقيت بحضنه ونايمه على ص*ره ...لحد مصار الفجر ... بدل وسلم على الكل ووصاهم يسلموله على جاسر وغزل ... سحبني وطلعني بره ويااه ...كلهم دخلو حضني بقوه لص*ره وهمس باذني ...راح اشتاقلج يا كياني وروحي ...ديري بالج على نفسج ولبسج اريده كله مستور والحجاب ميطيح من راسج ...وشعرايه وحده متطلع وديري بالج تضحكين ويه احد حته ابوج ...اموتج تره والله ...مو عبالج ما ادري وتليفونج خلي دائما وياج ...حته اخابرج ما انطاني مجال ارد عليه ... اخذ،شفايفي بين شفافه ...ما عافني لحد ما كمنه نلهث ... همس ...يله دخلي لا تتمرضين ركب سيارته وراح ...واحس روحي راحت ويااه