8

1871 Words

#عشك الجبل 2 #حور حيدر شفتهاا فتحت الباب الوره ذبت جنطتهاا وغراضهاا .. اجتي الي .. جان وهيه تحاول تلزم اعصابهاا ...ما ناوي حضرتك تحرك السياره فارس باوعلهاا ابرود وهو بعده يفر سبحته ...تحجين ويااي... جان وعصبت من بروده ...ليش اكو حمار غيرك صاف سيارته كدام سيارتي... فارس وهو يعض شفته ويلزم السبحه بقوه ... االسانج ...اذا غلط مره الثانيه اقصه وهو يحرك اصابيعه كدام وجهاا... جان وهيه تضحك بغرور واستفزاز وهيه تتكتف كدامه وترفع حاجبهاا باستفزاز وعيونهاا تباوعله بتحدي بس داخلهاا تغلي ... تؤ تؤ خوفتني حتكص لساني...اذا ررجال وكد كلمتك سويهاا بالله ... فارس يبتسم بغضب وهو يمسح جانب شفايفه وهو يدور وجهه ... وبحركه وحده اتقدم الهااا وحصرهاا بينه وبين السياره جان رجعت ليوره علسياره متوقعت هل حركه منه وهيه تباوع بكل مكان خاف يشوفهاا احد وهيه بهل حاله ... فارس انتجه علسياره باديه اثنينهم وحاصرهاا بين اديه ... لا اراديا خلت اديهاا على ص*ره تدفعه لان البينهم مسافه معدومه ... جان تهمس بعصبيه وبارتباك وخجل من قربه متعرف شصار بيهاا اتخربطت احوالهاا ...مجانت متوقعه منه كل هل جرائه .. شدا تسوي اتخبلت نسيت اني دكتوره هناا وانته طالب عندي ...شنو هل وقاحه انته شكد واحد متستحي و اشش...قاطعهاا فارس وهو يخلي اصبعه على شفايفهاا بقوه ويهمس وهو واصل لاقصى حالات غضبه وهتو يخزرها ويتنفس سريع ... اشش...اشش صوتج ما سمعه لا شوفج لمهاات شجيب دكتورتي ...وهو يبتسم باستهزاء دفعت ايده من شفايفهاا .. اتقرب من وجهها اكثر ....وهيه تدفع بص*ره حته ليتقرب اكثر ... وهيه تصيح وتدفع بي وعيونهاا تريد تذبحه ...لتتقرب مني وخر لو شافنا احد مفكرت شراح يصير ... فارس وهو يلزم اديهاا باديه ويسحبهاا اله ...ميهمني احد... هاا شبيج مو ردتي اثبتلج رجولتي .. جان جسمهاا كام يرجف من العصبيه تريد تحرر اديهاا منه... اول مره واحد يتجرء ويحجي وياها بهل طريقه ويتقرب منهاا هيج ... فارس اتقرب وهمس باذنهاا ... اشش اهدي مهرتي لتعبين نفسج ..مراح اهدج الا بمزاجي ... تعرفين منظرج هذه يذكرني بالمغروره ...هاي مهره عنيده ...ومغروره عد فلاح جانت اي واحد يشوفهاا ينسحر بمنظرهاا وجمالهاا...مهره عربيه سوده اصيله وقويه ... مجانت تختلط بباقي لخيول ...وما يوم احد كدر يركبهاا... جان الي يريد يصعدهاا تدفره بحوافرهاا ومتخلي وتبقه تصهلل...حاولو يروضوهاا بكل الطرق بس محد كدرلهاا ... ومره ربطوهاا اربعه خياله وهيه تصهلل وتقاوم ...الى ان **رت الي صعدهاا... لذلك سموهاا المغروره... اخر شي قرر صاحبتهاا يبيعهاا لو يكتلهاا ... الى ان اجه فارس خيال اول مشافهاا ...عجبته كلوله هاي عنيده ومتفيدك كلهم اني اروضهاا ... مسمع من احد واخذهاا...وكعدته مره مرتين الى ان روضهاا ... وصارت اله وحده ...ومتخلي احد يصعدهاا غيره لذلك حبهاا لهل مهره ... وانتي مثل هاي المهره العنيده ...يحتاجلج فارس يروضج وهو يغمزلهاا ... جاان وعيونهاا تجدح ناار ...واحد نذل مثلك وحقير استرخص نفسي اذا خله ايده عليه ... فارس عصر اديهاا بقوه السانهاا مثل البارود يرمي جمر بكلبه كل كلمه تخلي يريد يذبحهاا ... والله اذا ما ربيتج على ايدي .. وهذه النذل والحقير راح يخليج تكرهين روحج من يملكج كلج... جان بنبره كره ...روح ربي نفسك الاول قبل متوزع تربيه علناس ...اني متربيه احسن تربيه من رجال يسواك ويسوه عشيرتك ... زمخ بيها فارس ...كاافي لج لتحجين كلام اكبر منج لتخليني اسب الموته... وهسه علبيت مهرتي كبل واذا سمعت رايحه هيج لو هيج ... وهو يلمس خدها وجان تبعد وجهاا بكره عنه.... حسابج يكون وياي ضعف... وهو يعوف ايدهاا ...جان دفعتااا بكل قوتهاا من ص*ره وهيه تهمس بكره ...راح تندم وراحت لسيارتهاا ... فاارس يصيح وراهاا وهو يخلي ايده على ركبته من وره ويعض شفته ... ....اووووف كلبي لبوه باوعتله وهيه لازمه يده السياره وصاحتله وعيونهاا نار ...سافل ركبت وركعت الباب وراهاا ...شافته بقه واكف يباوعلهاا ويضحك... ضغطت علهورن وتزيد وهيه تشوفه واكف ابرود ...لحد ما فارس كام يضحك بصوت عالي على عصبيتهاا وركب سيارته ...مد ايده بمعني باي من السياره وحرك بسرعه ... جان ضاغطه علستيرن وتلوم نفسها شلون خلته هيج يتقرب منهاا...ويتواقح ليش ما منعته ليش ما عيطت ... واحد حقير مثل هذه شلون هيج يحجي ويايه ... حركت السياره وهيه من العصبيه تسوق بسرعه ... وصلت لبيت جدهاا ... نزلت من السياره وما اخذت شي بس تيلفونهاا... راسهاا راح ينفجر من الوجع ... دخلت للبيت صعدت كبل للغرفه ...مالهاا خلك تحاجي احد ... جان دخلت الغرفه سديت الباب وقفلتهااا ...شمرت تليفوني والسويج علجربايه ... نزعت حجابي احس مخنوكه اريد هوه ...نزل شعري الاحمر على اكتافي اتلمسته ...ونزلت دموعي وياه فتحت دكم قميصي ... كمت اتنفس بقوه وايدي على ص*ري ... هذه المكان الوحيد الي ارجع ذيج الطفله الجانت تلعب بين ادين ابوهاا ... ااني جان الي اتيتمت بعمر 8سنوات مات بابا قبل ما اشبع منه ...اخر مره شفته بتابوته جنت جايه من المدرسه اركض بلشارع اله وبيدي شهادتي واني اعيط ...بابا ..باباتي طلعت اولى ضحكتي ماتت وشهادتي وكعت من ايدي واني اشوف الناس ملتمه ابابنا ... وجدو يبجي ويمسح دموعه بشماغه الي جان دومه مرفوع على راسه ... بيبي وامي نايمات على تابوت ميخلون الزلم يشيلوو... ويصرخن باسمه... اشوف نضره الشفقه بعيون كل الناس ...واصواتهم تتردد باذني... خطيه تيتمت...بعدهاا صغيره ...منو الهاا ابوهاا مات وعافهاا .. يحجون واني منصدكه ...معقوله بابا عافني وراح ذبيت كل شي من ايدي ... ركضت الهم رحت الجدوو احتجي ميجاوبني بس يبجي ... جدو وين بابا ...جدو فدوه اريد بابا ليش مخلي بلتابوت ...راح يختنك سحبني جدو لحظنه ...يبجي ويكلي ابوج بطل ...بنيتي ابوج شهيد ............... خلت اديهاا على ص*ره ...بدت تسد بالدكم وحده وحده وهيه تباوع لكل شي الا هو ... وهذه الشي خبله ...وهو يحس بلمسه اديهاا على جسمه خلصت رادت تروح ... رجع جرهاا حيل وشبكهاا ...حست ضلوعهاا راح تت**ر بين اديه ... همس بجنون وشوك ...لتعامليني هيج ،لتحرميني منج احتويني بحضنج ... وج حسي بيه وبحركه كلبي عليج والله اموت من اشوفج اجافيني ...انتي عيني ونظرهاا ديم تبجي بحركه بحضنه وتناشغ ... ميحس بداخلهاا شكاعد يصير ...متريده يروح تحس ناار وتشعل بكلبهاا ... شلون يريدهاا تخلي يروح للموت برجليه ... همست بين دموعهااا ...اذا تحبني صدك لتروح فدوه جبل جر حسره طالعه من كلبه ...ااي ليش تشلعين كلبي وتعوفيني معلعل هيج ..تدرين بيه ما اكدر اعوف واجبي ...يا روحي انتي عشكج ..عشك موت عشك مخابيل ما اكدر بدونج فدوه لتعذبيني حس بيهاا جمدت بحضنه وتشنجنت ...مدت اديهاا على اديه لتحاوط خصرهاا ... بعدت اديه منهاا بهدوء ...ابتعدت خطوات عنه وباوعت لعيونه وعيونهاا مغوركات من الدموع ...همست ببحه من البجي ... الله وياك ..روح وشتريد تسوي سوي مالي دخل بيك ...متهمني مصل ما اني ما همك انته هم متهمني ... مسحت دموعهاا بكفه ايدهاا ... ودارت ضهرهاا اله تحس اختنكت بس لمجرد فكره راح يروح راح تتخبل ... دموعهاا تصب متريده يشوف دموعهاا ... جبل مسح وجهاا بيده بعصبيه وهو يسمع شهكاتهااا ...وصااح شلون بالله ويااج ...وتاليهاا لتجين كافي دفر الطبله وراح للغرفه ... شويه وطلع وبيده السويج لكاهاا كاعده علتخم اتعمد يطلع صوت يريد يجذب انتباههه ماكو ولا التفتت اله ما موته غير عنادهاا... اخير شي صاحلهاا ..يله ديم خل نمشي كامت وهيه وجهاا مكلوب ... رادت تطلع باوع لحجابهاا ولشعرهاا الطالع منه اتخبل صاحلهاا ...تعااي عيني وين طالعتلي مفرعه هيج هم حاسبتلي هذه حجاب... ديم بتجاهل وهيه تعدل حجابهاا ...حجابي اني وشعري اني انته مالك شغله بيه اضمه اطلعه كيفي ... جبل وهو يعصر السويج بيده ...ديم لتختبرين اعصابي كاافي تعرفيني خبل واعصابي مو بيدي فكاافي لخاطر محمد ... فتح الباب والشياطين تطفرركدامه من العصبيه ...طلع شغل السياره ... اجت وراه فتحت الباب الوره وكعدت ... جبل روحي طلعت من حركاتها ...بنبره تهديد وهو يباوعلهاا من المرايه الاماميه ... ديم ثانيه والكاج بصفي لا والله احركج واحرك نفسي هناا واخلص من هل عذاب ... ديم دايره وجهاا للجام باوعتله وعيونهاا تصب ... شتريد مني كااافي ارحمني ...حس بيه انته شنو تره اني بشر ...مو حيوان كدامك ما عندي مشاعر جبل ضرب لستيرن وعااط بصوت خله ديم ترجف ... مسحي دموعج كاافي وتعااي هناا ...خرب اهلج لتعاندين ... ما كدرت تعاند شكله يخوف ...نزلت وصعدت بصفه بس لزكت بصف الباب ... جبل ادري شنو ابالهاا سحبت ايدهاا وحركت السياره رادت تسحب ايدهاا ما خليتهاا والطريق كله اسوي وايدهاا ...شابكهاا بيدي بس جفاهاا وبرودهاا ويايه .. عذبتني ساعات ما تحملت جفاهاا ... . وصلت لبيت جدي اول مسفطت السياره ... جرت ايدهاا مني ونزلت وراحت تركض دخلت للبيت ... كوه لازم اعصابي عنهاا ااني الجبتهاا النفسي جنت مرتااح لا حب ولا وجع راس اطلع اطب مو هسه اوووف ...خبلتني دخلت قبل لا سلم لاكتني امي ووجهاا بي خوف ... . ام جبل وهيه تاشر فوك ...خير يمه شبيكم ليش مريتك صعدت تبجي فوك مزعلهاا جبل جريت نفس وبست راس امي ...يمه على كيفج خل اخذ نفس .. دخلت للصاله ودخلت امي وراي لكيت جدي وابويه وعمي مازن كاعدين وجدتي... سلمت عليهم ورحت لجدتي بست راسهاا وكعدت بصفهاا .. نوعه ..يمه لعد مريتك وين خوما عفتهاا وحدهاا غادي جبل ...لا يمه جبتهاا هناا مازن ...وينهاا لعد شعجب ما اجت نشوفهاا جبل ...صعدت ترتاح عمي ضايجه شويه لان راح التحق لسامراء... ام جبل وهي ادك على وجهاا وتلطم ...اتخبلت انته وين رايح للموت وعايف عروستك .. ابو جبل...شطالبته بلموت هذه شغله وابنج سبع ما يتخاف عليه .. مازن ...ابني ونعم منك بس انته بعدك عريس شلون تعوف مرتك وحدهاا علاقل اجلهاا فد اسبوع ... جبل ...عمي الوضع كلش خطر وداعش هاجم على المرقد ...ومو بعيد يدخل لبغداد ميصير نبقه مجتفين ادينه وكاعدين ... نوعه ...الله يقويك يمه وينصرك ،بس حقهاا مريتك عروس ومو سهله عليهاا تعوفهاا باول اياام عرسكم جبل بقهر ...شسوي يا يمه شوفت عينج الوضع عالك عود جنت رايد اخذهاا ونسافر ... حته احازتي كطعوهاا ... جبل ...صدق لعد فهد وينه ..اكيد لازك بغرفته ام جبل :لا خطيه ابوك وجدك ما هدو الا يروح للشغل وظل يلطم من الصبح ويعارك ذبان وجهه ... ما يرضه يروح ... جبل يضحك وهو يكوم ...والله مشتاق لسوالفه ارد اشوفه قبل لا التحق ... يمه انه صاعد لغرفتي من ييجي فهد دزيلي خبر ... عفتهم وصعدت الهاا ما اكدر بدونهاا ...احجي وياهم وبالي يمهاا اكيد هسه تبجي ... كل شي ولا اشوف دموعهاا ...اكره روحي لان احسهاا ملاك بين اديه ...ما ريد أاذيهاا صعدت لغرفتي فتحتهاا بسرعه دخلت ما لكيتهاا ... اووف شكد عنيده ما دخلت لغرفتي اكيد راحت لغرفتهاا... نزلت للطابق الثاني ... وصلت لغرفتهاا ردت افتحهاا قافلتهاا ... دكيت الباب دكيت متفتح ... جبل بهدوء ...ديم افتحي ارد احاجيج ماكو مترد ... ضربت الباب وصحت ...فتحي كتلج كمت ادفر بيهاا برجلي حيل فقدت اعصابي ... واصيح ...فتحي لا ا**رهاا والله دييم انفتحت فجاا البااب ... وصارت كبالي بنفس قميص النوم وشعرهاا نازل وجهاا صاير احمر من البجي ... دخلت بسرعه شبكتها اليه ودفرت الباب وراي ... شابكهاا وامسح على شعرهاا كل عصبيتي راحت من شفتها ...اول مره احس بهذه الاهتمام واحس غيابي عنهاا شلون يوجعهاا ... جنت دائما التحق شهور ما اهتم لاحد ... بس هسه لا صارت شي مختلف حياتي اتوقفت عليهاا... جبل بحنيه ...اووف يا بعد كل هلي ،وج دموعج ذبحني والله كافي ...لتزعلين علي جفااف موتني ديم واديهاا تحاوطه وتحجي بتؤسل ...فدوه لتعوفني والله ما اكدر بلياك ...حبيبي ابقه يمي جبل بقهر واديه تحاوط خدودهاا ...اانتي فدوه لتعذبيني ..فهميني يا نفسي انتي هذه واجبي ما اكدر اصير جبان واعوف وطني ... ديم وهيه تلزم ايده الي على خدودهاا وتبوسهاا ... جبل انته متفهم ...انته بلنسبه اليه شنو انته صرت ادمان ..يعني اذا تبعد عني اموت جبل واني ابوس بوجهاا ...لو بيدي والله ما ابعد عنج لحظه وحده... ديم وهيه تشبكه حيل وتخلي راسهاا على ص*ره ... لتروح اليوم ...بس الليله ابقه يمه ارد اشبع من حظنك ... جبل باستسلام ... واني اكدر اكول لاا ..اووف شكد عنوديه.. ديم بفرح وهيه تمسح دموعهاا وتكمز بفرح ... اووي حبيبي صدووك راح تبقه يمي الليله جبل وهو يشيلهاا ...ااي يا روح حبيبج يله تعااي خلي اشبعج من حظني ... #عشك الجبل 2 #حور حيدر .............

Free reading for new users

Scan code to download app

App Store Google Play

Facebookexpand_more