Kabanata 27
Itsapwera
NAKAKITA ng pagkakataon si Zelmira na komprontahin si Cain nang malaman niya mula kay Lolo Ignatius na nagpaalam itong pupunta sa talampas dahil mayroon itong 'di umano'ng mahalagang tao na kakausapin.
"Makukulangan yata tayo ng panggatong. Uhm, kukuha lang ako riyan sa malapit." Ang excuse niya kay Ramonchito.
Alas sinko palang iyon ng hapon pero nagyaya na ang binata sa kusina para simulan ang paghahanda ng kanilang hapunan.
He brought fresh beef na anito'y iluluto nito sa dalawang magkaibang putahe. Beef bulalo at beef caldereta at totoo ang palagay ni Zelmira na baka kulangin sila sa panggatong.
"Sasamahan na kita," presinta ng binata kahit na abala ito sa paggagayat ng mga gagamiting sangkap.
Umiling si Zelmira. "No, kaya ko na. Magaan lang naman iyong
