Chapter Ten
"Bakit ang ingay dito sa..." ang kuya ni Ervir na si Juancho ang iniluwa ng pinto.
Nanlaki nalang ang mga mata ni Baby. Inakala niyang ang ate na niya ang lumabas. Napansin niyang hindi na natapos ng nakatatandang lalaki ang sasabihin at nakatulala na ito sa kanila. Partikular sa magkahawak nilang mga kamay ni Ervir. Siya na tuloy ang dali-daling kumawala sa pagkakahawak ng nobyo.
"Hello po!" Kinawayan niya si Juancho.
"Hi Ms. Baby." Kumaway din ito. "Kayo pala. Palabas na rin talaga ako ng opisina ni Abelle. Narinig niya rin na medyo maingay dito. May kailangan ba kayo sa kanya? May sasabihin ba kayo?"
Nagkatingin sila ni Ervir sa mga tanong nito. Nagtaasan pa sila ng kilay. Nangungusap ang kanilang mga tinginan. Pero wala pa ring sumasagot sa mga tanong n
