Chapter Eight
Pagmulat ni Baby ng kanyang mga mata ay hindi na kabundukan ang nakikita niya. Nasa loob na siya ng isang maaliwalas na kwarto. Hindi niya alam kung ilang oras na ang lumipas magmula noong mawalan siya ng malay. Ngunit may isang mas importante sa lahat. Iyon ay si Ervir na nasa tabi niya't nagbabantay. Mahimbing na itong natutulog.
"Salamat Ervir. Inalagaan at pinrotektahan mo na naman ako." Hinaplos niya ang buhok nito. Nakabaling sa kanya ang maamong mukha ng lalaki kaya kitang-kita niya ito. Halos padapuin niya ang hintuturo sa pisngi at ilong nito pero pinigilan ni Baby ang sarili.
Ilang saglit pa ay tumunog ang cellphone nito. Magkatabi ang mga cellphone nila na nakapatong sa pinakamalapit na lamesita. Dahil tila hindi pa rin magising si Ervir kaya naman in
