“Simone, kanina mo pa ibinabalibag ang pintuan. Kung nakakapagsalita lang ‘yan baka minura ka na dahil sa sakit ng katawan at basag-basag na ngipin. Sino bang kaaway mo?” Naguguluhang tanong ng kaibigan ni Simone at kasama sa bahay. Pagkarating niya doon ay ipinarada kaagad niya ang bisikleta sa tarangkahan at dumiretso sa kwarto. Lahat ng pintuang madadaanan kasama ng banyo ay ibinagsak niya dahil sa sobrang pagka-inis. When Simone is pissed off, mahahalata talaga dahil pisikal itong magalit.
“Sayuri, ‘wag mo muna ‘kong kausapin. Mainit pa ang ulo ko.” Sagot naman niya habang nag-aayos ng damit na dadalhin sa rehearsal ng isa niyang trabaho.
“Mukha nga. Kung malamig naman ‘yang ulo mo, sa palagay mo ba magtitiyaga akong kausapin ka? Ang boring mo kayang kausap, napaka-bossy m
