Ramdam ni Sugar ang halik sa noo niya at ang biglang luwag ng espasyo sa kanyang tabi. Hindi muna siya dumilat at pinakiramdaman ang paglabas ni Alex sa silid. Nang masiguro niya na wala na si Alex ay napadilat siya bago napabuntong-hininga. Ilang saglit lang ay narinig niya ang tunog ng isang motorsiklo mula sa labas kaya napa-tayo siya at dumungaw ang bintana. Nakita niya na si Alex iyon na dali-dali pinaandar ang motor paalis.
Hindi man sinabi sa kanya ni Alex kung saan ito tutungo ngunit may ideya na si Sugar kung saan ito pupunta.
Napabuntong-hininga na lamang siya at napasapo sa kanyang tiyan.
---
Halos mabalibag ang pintuan ng bahay ng pumasok si Alex. Tumama iyon sa gilid at bumagsak rin ang malaking vase na nakalagay roon dahilan kaya ikagulat iyon ng ilan
