Blood: Silver vs Red (Volume VI)

"Sige. Dito na lang kayo tapos ako na lang magpunta doon sa kabila." "Sige. Bilisan mo." Sabi ni mama. Pagkabigay nila ng pera saakin ay lumabas na ako sa pag-print-an atsaka tumawid para makabili ng double sided tape at envelope sa kabila. Pabalik na ako nang may marinig akong tatlong sunod-sunod na putok ng baril kaya ako napayuko. Tatawid na sana ako ngunit may mabilis na kotseng dumaan. May isang maitim na van din ang nakasunod sa naunang kotse kaya ko sila tinignan. Hindi ko alam kung bakit ko ginawa ngunit tinandaan ko ang plate number ng van. . Pagkagising ko ay nakita ko ang chat ni Katharine. Ngayon na raw kami magpupunta sa school upang magpa-enroll. Pagkatapos kong mag-ayos ay nagkita kami sa harap ng gate ng school atsaka na kami sabay pumasok upang pumila. Hindi ko alam kung sasabihin ko ba sakaniya yung narinig ko kagabi. Kung hindi ko sasabihin ay baka mapahamak siya, kung sasabihin ko naman ay baka matakot siya.... pero hindi naman siya matatakutin. Alam kong mas malakas ang loob niya kaysa saakin. "Uy." Pagkuha ko ng atensyon niya. "Oh?" "May tatlong sunod-sunod na putok ng baril akong narinig kagabi." Mahina kong sabi. "Huh? Saan?" Bigla niyang tanong. "Kasi diba nagpapa-xerox kami para may copy kami nung birth certificate at ibang documents ko." "Oh, tapos?" "Tapos bumili ako sa kabilang tindahan, yung katapat ng pag-print-an." "Oh? Tapos? Fast forward mo na." Aniya. "Tapos nung patawid na ako pabalik kay mama, may mabilis na kotseng dumaan sa harap ko tapos may nakasunod sakaniyang black na van. Namemorize ko pa nga yung plate number nung van." "Okay?" "Bakit wala talaga ako tuwing may nangyayaring ganiyan?" Tanong niya. "Sira ka ba? Mas maigi nga iyon eh. Iwas gulo." Aniko. "Experience. Para naman hindi ako ignorante o kahit papaano ay mapaghandaan ko yung mangyayari." Sambit niya atsaka tumawa ng bahagya kaya rin ako natawa. Medyo may kahabaan ang pila ngunit natapos din kami. "May event yata sila. May laro siguro dito." Wika niya kaya ako sumang-ayon. "Halika. Uwi na tayo. Hindi naman tayo magbebenepisyo jan. Tsaka nakakabingi lang." Pag-aya niya saakin kaya na kami lumabas. Pagkalabas namin ay napansin ko ang maitim na van na nakaparada sa may di kalayuan sa pwesto namin. Kunot noo kong tinignan ang van at biglang natakot nang makita ko ang plate number nito. Ito yung van na nakita ko kagabi. "Halika." Paghila ko sakaniya. "Anong nangyayari? Saan tayo pupunta?" Tanong niya ngunit hindi ko siya masagot dahil ang nasa isip ko lang ay makalayo kami. Sa hindi namin pareho inaasahan ay may tumigil na van sa gilid namin at pilit kaming hinihila paloob. Ang lalakas nila kaya't hindi ko kayang manlaban. Si Katharine ay nagawa niya silang masipa at ang mga lalaking humahawak saakin ay pinagpapalo niya ng malakas. Ang iba naman ay pinagsusuntok niya. Nang makawala ang isang braso ko ay siniko ko ang ilang nakahawak saakin at doon kami nakawala. Mabilis na binuksan ni Katharine ang van atsaka niya ako hinala palabas. Napahiga at nadapa pa ako paglabas namin ngunit inalalayan niya ako atsaka kami tumakbo ng mabilis papasok ng school kung saan maraming tao. "s**t. s**t. s**t. Shit." Mura niya habang tumatakbo. "Sino yung mga siraulong iyon? Anong kailangan nila saatin?" Tanong niya ngunit hindi ako makasagot. "f**k it." Madiin niyang mura nang malamang lock ang pinto papasok sa gym ng school. Kahit kasi sumigaw kami ay hindi nila kami maririnig dahil sa dami ng tao at ingay sa loob. "Doon." Turo ko kaya kami tumakbo ng mabilis papunta sa isang pinto. "Oh, thank God." Aniya nang may makita kaming teacher sa loob. "Hello. Good morning. Anong kailangan niyo?" Tanong ng lalaking teacher. "May... mga humahabol saamin sir." Hingal kong sabi dahil hindi na ata makapagsalita si Katharine dahil sa pagod. "Huh? Saan?" "Ayon sir." Wika ni Katharine. "Tulungan niyo po kami sir." Aniko. Bago pa makalapit ang mga humahabol saamin ay mabilis kong nai-lock ang pinto gaya ng sabi ni Katharine. Hinila niya ako agad papunta sa likuran ng lalaking teacher nang pumasok ang mga humahabol samin. Nagawa nilang masira ang pinto at heto sila ngayon saaming harapan. Hindi nagsalita ang lalaking teacher atsaka lang gumilid upang maipakita kami. "What the f—?" Hindi makapaniwalang sabi ni Katharine dahil sa ginawa ng lalaki. "Sir?" Tanong niya habang pilit kaming hinihila ng mga nakaitim na lalaki. Sa palagay ko'y lalaki sila dahil sa kalakasan nila. Nakatakip ng itim na tela ang kanilang mga mukha kaya hindi namin makita kung sino sila. "Bitiwan niyo ako! Bitiwan niyo kami!" Sambit ni Katharine hanggang sa nakalabas kami. "Tulong!" Sigaw niya ulit. "Tulongan niyo kami!" Sigaw nanaman niya ngunit walang nakakarinig. "Mga wala silang kwenta." Madiin niyang sabi. Oo nga naman. Wala silang kwenta. Hindi lang man nila kami marinig o kahit isang tao man lang ay walang makakita saamin dito. "Ahh!" Malakas na sabi ng lalaki ng kagatin siya ni Katharine. Hindi pa siya nakakalayo ay may lalaking humarang sakaniya na kasama ng mga kumuha saamin atsaka siya hinila papunta saamin. Dahil sa pilit niyang pagtakas ay binuhat na lang siya nito at inilagay sakaniyang balikat. "Bitiwan mo ako! Ibaba mo ako, ano ba! Sino ba kayo? Anong kailangan niyo saamin?" "Anong kailangan nila saatin?" Tanong niya saakin habang nakalagay parin siya sa balikat ng lalaki. Hindi ako makasagot dahil hindi ko rin alam.