الحلقة الرابعة #الامل

2762 Words

الحلقة الرابعة #الامل الأمل هو النور في طريق كله ضلمه والآمال انواع امل في حبيبتك انها تبادلك نفس المشاعر وامل في ابنك انه يكون ناجح وامل في الحياه السعيده بس الامل كلمه وشعور المرادف بتاعها الم , كل امل لازم يكون معاه الم وده بيكون الطريق الضلمه , عمر الامل بيجي قبل الالم طول عمر الالم الاول وبعده الامل علشان يكمل بيكون الحافز ل طريقك بس ده للضعفاء , بس امل الاقوياء بيكون في ثقتهم بنفسهم بدايه الفصل باسل طلع جهز الشنطه بتاعته وامه كمان ونزلو ركبو العربيه بتاعته باسل هو اللي سايق وصل القاهره بعد ثلاث ساعات من السفر علي الطريق الغربي ودخل هو وامه البيت ناجية : ايه يا باسل النظافه دي انا قلت هاجي الاقي البيت مبهدل باسل : انتي عارفه مش بعرف اعيش في وساخه ناجية : طيب تعالي يا حبيبي اقعد جنبي باسل : حبيبي واقعد جنبي كمان شكلها فيها حوار خير يا بنت العدوي ناجية : ( بحنيه ) بقولك ايه بلاش موضوع البنت دي انا قلبي مقبوض باسل : انا قلبي مرفرف وفرحان طبيعي مصائب قوم عند قوم فوائد ناجية : يابني انا ست كبيره وافهم اكتر منك ساره بنت عمك دي تربيه ايدي طيب تصدق كل يوم وانتا مسافر كانت تيجي تسأل عليك باسل : بصي يا ناجية انا مقدرش اقولك لا ولا ازعلك بس انتي عرفاني اللي في دماغي بعمله ناجية : طيب فكر كده انتا لما تتجوز وتخلف نفترض هتسمي ابنك ده مروان ها يكون مروان باسل جلال راضي ال**دي امه هتكون ساره عا** راضي ال**دي اسم كبير جدا لكن لو اتجوزت سندي دي ابوها مين امها مين باسل : بصي يا حاجه انتي عارفه مش هيفرق عندي الكلام ده وانتي اخر واحده اتخيل انها تعمل فروق بين الناس والطبقات ده انتي مخلياني اقول ل شيماء يا طنط او عمتي عمرك ما اتعاملتي معاها على اساس انها واحده بتشتغل عندنا ب الأجرة ناجية : تحترمها حاجه وانك تتجوز بنتها حاجه تانيه انتا يابني بكره وبعده ها تكون كبير ل بيتك اللي هيكون ابنك ضابط ومستشار و رجل اعمال مش ها ينفع امهم تكون كده باسل : كده ايه يا حاجه هو باسل جايب بنت من الشارع لا دي بنت محترمه وبنت ناس ابوها مهندس كمياء كبير امها دكتوره امراض نفسيه وعصبيه حاجه رقية في مشهد اخر بيت باسل في الصعيد قاعد مصطفي ومعاه جيهان ودخلت عليهم ساره لبسه ومتشيكه على الاخر وعينها فرحانه ساره : صباح الخير يا جماعه عاملين ايه مصطفي : كويسين يا ساره انتي عامله ايه يا قمر ساره : كويسه (بتبص حوليها) هو فين طنط ناجية جيهان : (ضحكت جامد) هههههههه ناجية , بقولك هاقوم اجبلك بسبوسه قامت جيهان مصطفي : (بابتسامه ومش عارف يقول ايه البنت دي دخله عليهم بتنور من الفرحه دلوقتي هتنطفي ) بقولك ايه تعالي اقعدي جنبي تعالي ساره : ( قعدت جنبه ) خير يا ابيه مصطفي مصطفي : باسل سافر القاهره النهارده ساره : ( بابتسامه بتحاول تداري زعلها ) بجد طيب فين ناجية ؟ مصطفي : ( مش عارف يجبها ازاي ) ماما سفرت معاه تعمل شويه فحوصات نزل محمود محمود : ازايك يا ساره عامله ايه ؟ ساره : كويسه يا ابيه محمود : مش ها تبطلي كلمه ابيه دي عيب انا مش كبير قوي كده ساره : ماشي يا محمود محمود : بقولك ايه يا مصطفي هتعمل ايه في موضوع باسل ؟ مصطفي : ايه موضوع باسل ده ؟ محمود : الجوازه اللي طلعت فجأة دي ساره : جواز مين هيتجوز ؟ مصطفي : ( باصص لي محمود بق*ف) محمود : باسل هيتجوز ساره : ( بخضه ) يتجوز؟؟؟؟؟ مين وفين ؟ محمود : باسل عايز يتجوز واحده زميلته في الجامعه جيهان : (جيبه البسبوسه) ساره : ( قامت وهي مضايقه ومشيت ) مصطفي : تصدق انتا اغ*ي بني آدم على الارض فعلا امك عندها حق في كده جيهان : ايه اللي حصل ؟ مصطفي : البيه قال لي ساره ان باسل مسافر يخطب جيهان : وفيها ايه كده كدة هتعرف ؟ محمود : مصطفي انا مش غ*ي انا سمعتك وانتا بتتكلم معاها وكذبت عليها بس دي حاجه مينفعش تستخبه جيهان : ليه انتا مقولتش ليها ؟ مصطفي : اقول ايه انتو مجانين انتو شوفته البنت كانت عاملة ازاي جايه فرحانه انها هتشوفه وفي الاخر اقولها معلش يا حبيبتي ابن عمك حيوان وضيعك من ايده سافر يتجوز اسف المره الجايه محمود : مصطفي يا حبيبي الدنيا كده عباره عن صدمه كبيره جنب الصدمة دي نظام العيله لازم تتجوز واحده منها انتا اتعرضت ليها بس كانت في مصلحتك البنت اللي بتحبها طلعت بنت عمك يعني انتا هربت من الاتنين بلاش تفكر الناس كلها زيك ساعتها تبقي انتا الغ*ي مش انا سلام انا نازل مشي محمود من البيت خد عربيته وطلع على المنيا ركن وخد تا**ي وراح لي شقته الي هناك دخل وبعد شويه حصلته حياه حياه : (خدته بالحضن) حبيبي محمود : عامله ايه يا حبيبتي حياه : تعبانه من غيرك يا حبيبي وهما في عز الاندماج بتعهم الباب خبط المشهد الرئيسي بليل ( باسل ) خد ( ناجية ) وراحو المطعم اول ما دخلو كل اللي شغالين هناك رحبو ب ناجية حسن : يا مرحب حاجه ناجية عامله ايه يا حاجه ناجية : عامل ايه يا حسن حسن : عايشين في خيرك يا ست الكل ناجية : ههههههه ها تفضل بكاش حسن : ولا اقدر يا ست الكل باسل : حسن الزبون بتاع تربيزه 12 وصل حسن : وصل يا باسل باسل : كويس انا رايح ليه ناجية : اقعد يا حسن اقعد حسن : مايصحش يا حاجه ناجية : (بابتسامه) هتقعد ولا اجيبك من قفاك باسل مشي حسن : وله اقدر يا حاجه اديني اهو ناجية : عملت ايه في الجوازه بتاعتك حسن : اهو مستني ناجية : ليه يابني وقفه على ايه ؟ حسن : على المشاكل يا حاجه ناجية : مشاكل ايه دي ؟ حسن : ابوها وامها مش عايزنها تتجوز وتقعد معايا في بيت اهلي ناجية : ما هو برضه مينفعش انتا اخواتك كتير حسن :طيب انا مالي ناجية : طيب اسمع انا ليا واحد قريبي من العيله عندي بيشتغل في المحافظه هكلمه يشوف ليك شقه في المشاريع اللي بتتعمل جديد ماشي حسن : بجد يا حاجه (فرحان جدا) ناجية : ايوه بس انتا قول يا يارب بس وهي تمشي. حسن : الله يخليكي لينا يا حاجه ناجية ناجية : انتا زي ابني بس قولي مين سندي دي ؟ حسن : سندي!!!! مالها ؟ ناجية : يعني هي مين وابوها مين بتيجي هنا كتير ؟ حسن : هو حضرتك عايزني احكي ليكي اسرار باسل وبتعرضي الشقه عليا (قام من مكانه) اسف الجواز يتأجل هجيب القهوه بتاعة حضرتك حالا ناجية : (شدته يقعد) اقعد يا روح امك انتا فهمت غلط انا عارفه مين سندي باسل حكالي عنها بس عايزه اعرف رأيك انتا ايه حسن : يعني ايه ؟ ناجية : يعني انا لو عايزه اعرف حاجه عن حد ممكن اشغل وزاره الدخليه كلها عليه مش هعرف منك انتا يا ابن امبارح حسن : انا اسف يا حاجه بس انتي عارفه الخصوصيه عند باسل عامله ازي ناجية : ما انا عارفه يا اخويه ابني وانا حافظه قولي بقي تعرفها حسن : ايوه اعرفها بتيجي هنا مع باسل بس شكلهم كده بيحبو بعض جدا باسل بيعاملها معامله خاصه جدا ناجية : طيب هي كويسه وجميله ومتواضعة حسن : اسلوبها معانا كلنا كويس حتي سايس الجراج بتعامله كويس جدا ولو على التواضع فهي متواضعه جدا لي ابعد الحدود باسل راح المكتب طلع منه قزازه نبيت نضيفه وغاليا جدا معتقه من وراح للزبون تربيزه 12 باسل : اتمني الخدمه تكون عجبت حضرتك شخص : (قاعد ماسك التلفون بتاعه وسيجار خد منة القزازه) ممتازه مين انتا بقي. باسل : انا ابقي باسل ال**دي صاحب المطعم ازعل لو الملف بتاعي مكنش في صوره (باسل قال كده و هو عارف هو مين يبقي اسلام عابدين راجل مهم جدا في رئاسه الجمهورية بيقعد في المطعم عندة يخلص فيه شغله اللي بره الدفاتر) اسلام : (دخل تلفونه) لا ازاي طبعا كان في صوره ليك اصل انا بحب اعرف الاشخاص المهمين جدا وانتا يا باسل حد مهم في الصعيد باسل : لا انا مش مهم قوي اسلام : انا اخدت القزازه بس اكيد الهديه دي وراها حاجه ؟ باسل : طبعا وراها حاجه اسلام : ايه بقي اللي وراها ؟ باسل : خدمه صغيره جدا اسلام : بقي عيله ال**دي كلها مش هتعرف تخدمك جاي ليا انا باسل : الصراحه ايوه الخدمه بعيده وانا احب لما الخدمه تكون بعيده وكبيره اجبها من الاكبر اسلام : وايه هي باسل : عمي نازل انتخابات يبقي عمده والموضوع كبير ودخله فيه ناس كتير كبار اسلام : (فتح قزازه النبيت وصب لي نفسه) كبيره ازاي دي حتت انتخابات عمده مش مجلس شعب يعني باسل : عارف وكمان عارف انها مش مجرد انتخابات دي حرب على وجود العيله اسلام : انتا عارف بتطلب ايه من مين دي حاجه تافه جدا تليفون لواحد هيدي جره قلم وخلاص باسل : علشان كده جيت ليك علشان بعد ما ناخدها المنافس هيبدأ يدور على السبب لما يعرف انه كبير زيك يبعد عن سكتنا نهائي اسلام : ( بابتسامه ) خطه في منتهي الذكاء , بس مفكرتش انا هساعدك ليه ؟ باسل : للمصلحه انتا بتقعد هنا مع ناس مهمه جدا بتعمل الشغل اللي بره الاجنده هنا و هتكون خدمه قصاد خدمه اسلام : (بيفكر شويه) طيب يا باسل طالما خدمه قصاد خدمه انتا تعرف حد في جمارك اسكندريه باسل : من اول رئيس المصلحه لحد امن البوابه اسلام : تمام في عربيه عايز اطلعها من الجمارك باسل : عربيه ايه اسلام : عربيه للامبورجيني بتاعة بنتي باسل : يعني انا اللي هطلعها ليك عيب برضه اسلام : انا هفهمك علشان مخك ميروحش ل بعيد العربيه دي بتاعت بنتي بس مينفعش تدخل مصر بي اسمي انتا عارف وضعي حساس باسل : تمام اعتبرها خرجت ( لمح سندي داخلة من الباب ) اسيبك بقي تستمتع ب النبيت ( قام وسابة ) اسلام : (طلع تليفونه) ايوه يا باشا.... لقيت اللي يطلع العربيه....... لا لا واحد بعيد عننا وعن الشغل بتاعنا....... اسمه باسل ال**دي...... لا بعيد عن الشبهات...... طلب مني خدمه ع**طه وانا هخلصها ليه مقابل كده..... تمام سلام قفل معاه و ( باسل ) راح ل سندي باسل : سندي حبيتي وحشتيني جدا سندي : ( ب ابتسامه كبيره ) وانتا كمان باسل : بصي بقي يا قمر انتي مش كان نفسك تتعرفي على امي الحاجة ناجية ؟ سندي : ايوه انت :هي هنا وعايزه تتعرف عليكي سندي : ( اتخضت )بجد فين طيب مش تقولي كنت حضرت نفسي ليه كده ؟ باسل : حضرتي نفسك ل ايه الموضوع مش كبير قوي سندي : لا كبير يا باسل كبير دي امك ولازم تشوفني بطريقه حلوه باسل : يا ستي امي ست تلقائية جدا وطيبه بس اتكلمي معاها باسلوب بسيط وهي تحبك هتحاولي ترضيها باي شكل مش هتحبك لانها ساعتها هتشوفك منافقة تمام سندي : ( بخوف ) تمام * دخلو المكتب ل ( ناجية ) * باسل : ماما دي سندي حبيبتي ناجية : ( بصت ل سندي شويه وبعدها ابتسمت) سندي بجد ؟ باسل : ايوه هو انا هضحك عليكي ؟ ناجية : لا بس انتا مقولتش انها حلوه قوي كده باسل : اد*كي عرفتي ناجية : (بتكلم باسل ) هي ساكته كده لية وشكلها خايفه (كلمت سندي) مالك يا قمر خايفه ليه كده ؟ سندي : (ضحكت) لا خايفه ايه ده انا مرعوبه اسفه اسفة مش قصدي حاجه ناجية : ( ضحكت من التوتر بتاعها ) ههههههه ايه يا باسل انتا مفهمها اني ست شريرة ولا ايه ؟ باسل بضحك : ليه هو انتي طيبه ؟ ناجية : ماشي يا روح امك لينا قعده مع بعض احكيلي يا سندي عنك شويه سند : انا يا طنط ا ناجية : (قطعت كلامها) لا مش بحب كده مش بحب كلمه طنط كل الناس بتقولي حاجه بس انتي ممكن تناديني ب ناجية باسل : (ارتاح من كلام ناجية معني كده انها شالت الحدود وبدات تحبها ) طيب انا ها سبكم تتعرفو المشهد الرئيسي سندي قاعده مع ناجية بتحكي ليها عن حياتها مع ابوها وامها وقد ايه هما مش مهتمين بيها وخصوصاً امها وده خلاها تعيط و ناجية قاعده بصه ليها بس وبتسمعها وبتفكر في كل كلمة بتقولها سندي علشان تعرف اذا كانت صادقه وله كذابه ناجية : بصي يا سندي اشتري دماغك من امك وابوكي دول انسيهم خالص انتي بتحبي الواد الاي اسمه باسل ده سندي : ( مسحت دمعها وشها احمر وات**فت ) ناجية : ( ب ابتسامه ) يبقي بتحبيه وهجوزه ليكي حتي لو امك مش موافقه ومن هنا ورايح متندميش عليا بي ناجية لا انا ماما يا حبيبتي انا ماما كان نفسي يبقي عندي بنت في جمالك كده في مشهد اخر محمود فتح باب الشقه لقي واحد ب مسدس شخص : حياه هانم كده بيقي الباشا عنده حق محمود : انتا مين وباشا ايه ؟ شخص : انا مبعوث من ابوها علشان اقتل عشيقها وكان في احتمال تكون انتا عشيقها محمود : طيب انا عايزك تهدي انتا هتضيع نفسك بموتي ؟ شخص : لا دي شغلتي اساسا اني اقتل وانتا مجرد روح زياده هخدها محمود : ها تستفيد ايه انا ممكن ادفع الضعف او اخليك غني جدا شخص : (عمر المسدس) اسف انا بلتزم بشغلي ( حياه ) مسكه ايد ( محمود ) وهي خايفه جدا وبصت ليه بصه معناها انا معاك في الدينا او الاخره وهما باصين لي بعض في **ت قطع ال**ت ده صوت رصاص والشخص ده بيقع وفي واحد وراه ( باسل ) كان معينه يحمي ( محمود ) * شخص : اهدي يا محمود بيه انا مبعوت من اخوك باسل اسمي الشايب محمود : شايب الشايب : لا مش شايب الشايب علي اسم الشايب ياريت تتحرك دلوقتي تاخد الاستاذه بس مش هتروح بيتها محمود : ليه ؟ الشايب : اوامر باسل علشان ابوها , وانا هنظف المكان هنا * نزل محمود وحياه ودخل الشايب الشقه ومعاه شنطه كبيره بتاعت سفر طلع منها اربع جراكن اتنين فيهم كربونات صوديوم وملح وخل مخلوطين مع بعض والاتنين التانين فيهم محلول حمضي مركز مسح الدم ومكان الب**ات كلها ونضف الشقه وخد الجثه البانيو حطها وحط عليها الحمض وبعد نصف ساعد دابت كلها مفضلش غير العضم حط عليه مركب تاني وبعد ساعه داب العضم وبقي مياه نزل من الشقه ومشي في الجنب التاني كان محمود وصل بي حياه البيت في البلد * مصطفي : مالك يا محمود عرقان ليه وحياه بتعمل ايه هنا محمود : (اتكلم وهو بينهج جامد) ممدوح بعت حد يقتلني انا وحياه بس باسل هو اللي انقذني بعت واحد اسمه الشايب مصطفي : يادي المصيبه مش باسل قال انك تخف مقابلات معاها محمود : اهو ده اللي حصل حياه : (خايفه ومتوتره) محمود بابا هيقتلني يا محمود مصطفي : علشان غبأكم مش قدرين تصبرو شويه وهما بيتكلمو سمعه صوت ض*ب نار بره المشهد الرايسي * ( باسل ) راح لي ناجية كانت سندي قامت تدخل الحمام * باسل : في كارثه ناجية : (بهدوء) محمود قابل حياه تاني صح باسل : عرفتي منين ؟ ناجية : ده ابني وانا عارفه كويس , ايه اللي حصل ؟ باسل : (حكي لي ناجية ) بس وممدوح واخد رجاله ومحاصر البيت عندنا ناجية : بيتنا احنا ؟ باسل : ايوه ناجية : ممدوح طلع اغ*ي من اخوك طلعت تليفونها وكلمت ممدوح ممدوح : عايزه ايه يا ناجية لو خايفه تطلعي من البيت تتكلمي معايا ناجية : (بهدوء وصوت ثقه) ل للاسف يا ممدوح انا مش في البلد علشان اكلمك بس التليفون كفايه ل كلامي ممدوح : كلام ايه انا ها مسح البيت باللي فيه على دماغ التخين ناجية : اعقل يا ممدوح انا بره البيت ولما ارجع مش هيكفيني فيك عمرك وانتا عارفني كويس مش هستني عيله ال**دي تتحرك انا اللي هتحرك وده مش في مصلحتك اسأل مراتك على اختها و اوعي تنسي ان بنتك جوه البيت ممدوح : انا معنديش بنات ناجية : طيب رجالتك عارفين انك هتدخلهم في حرب خسرانه مع عيله ال**دي علشان خاطر بنتك اتجوزت ابنهم ولا مايعرفوش انا ممكن اعرفهم ممدوح : (ب نرفزه) انتي عايزه ايه يا ناجية ؟ ناجية : عايزاك تمشي انتا ورجالتك وانا بكره هوصل البلد نخلص موضوع جواز محمود وحياه ممدوح : انا مش هجوزهم ل بعض ناجية : مش محتاجه موافقتك اساسا الاتنين متجوزين بس هنعلن الجواز مش اكتر نصيحه اسمع كلامي سلام قفت معاه المكالمه باسل : وبعدين ؟ ناجية : ممدوح غ*ي بس مش للدرجه دي باسل : طيب ايه رأيك في سندي ناجية : من ناحيه ايه بالظبط ؟ باسل : كل حاجه ناجية : انتا عايز تعرف رأي في بنتي انسي هي من هنا ورايح بقت بنتي في الاول كنت شيفه انها مش مستواك لكن دلوقتي انتا مش من مستواها باسل : جري ايه يا ماما انتي عايزه توقفي الجوازه وخلاص ناجية : لا خلاص انا موافقه بس انا هطلع عينك فهمت باسل : ماشي يا حاجه قعدو شويه وبعد كده قامو يمشو وصل ناجية المشهد العام باسل قدر يخلص من مشكله حبيبتة وبدا يعرف اعدائه اللي حواليه ودي كانت واحده من الحروب اللي اكيد افتكرتم انها كده خلصت لا دة مجرد كارت في ايد واحد ماسك ورق كتير وبيختبر باسل ويشوف رده فعله زي فار التجارب بس للاسف اللي بيعمل كده ميعرفش ان باسل ال**دي مش فار تجارب هو بس عيونه لسه مبقتش في كل حته عيونه محدوده بس كل مشكله وليها حل غير باسل مشكله ماشيه على الارض. __________

Free reading for new users

Scan code to download app

App Store Google Play

Facebookexpand_more