الحلقة التالتة #الخلود

3285 Words

#اعداء_بالدم #الحلقة_التالتة #الخلود كل الناس فهمه الخلود ب المعني الحرفي علشان كده محدش نجح انه يوصل ليه كل الناس بتدور على طريقه تطول بيها عمرها علشان تعيش ل قرون طويله بس محدش دور من الناحيه التانية ، الناحيه التانيه هي الخلود الحقيقي اللي ممكن توصل ليه والناحيه التانيه هي ابن او بنتك او حفيدك لو حطيت ب**تك فيهم زي ان تربيهم انهم يكونه زيك او نفس دماغك وافكارك والرائ بتاعتك لو نجحت في كده ساعتها هتكون وصلت للخلود اللي كتير من الناس بتدور عليه ومش لقيه وناس تانيه مش بتدور عليه وموجود غريبه الدنيا دي الحلقة التالتة اتمني انه تعجبكم وتقولو رأيكم علشان اعرف انا ماشي على الطريق الصح ولا لا بدايه الفصل ( باسل ) قعد مع اهله وفهم هما عايزين ايه و( باسل ) وافق علشان المجازفة اللي في الموضوع طلع الجنينه وجاتله مكالمتين ( المكالمه الاولي ) كانت من سندي حبيبته سندي : باسل انتا فاضي باسل : اه فاضي سندي : باسل في مشكله باسل : ايه اللي حصل سندي : بعد ما كلمتك بابا جالي البيت وقالي انه صفي كل شغله في مصر وقرر يسافر وها يخدني معاه باسل : ازاي سندي : معرفش بس قالي الحاجه اللي كانت ربطه بي مصر هي ماما ودلوقتي هي مش هنا وعايزني اسافر معاه باسل بخنقة : سندي تسافري فين ؟ سندي : معرفش يا باسل انا بالعافيه خليته يقتنع اني اكمل الترم ده هنا انا خايفه مش عايزه اسيبك باسل : يعني انتي عندك استعداد تقعدي معايا ونتجوز سندي : طبعاً باسل : طيب يا سندي انا هخلص القصه دي متخافيش ؛ اطمني طول ما انتي عايزني انا كمان عايزك وهفضل جنبك متخافيش سندي : يعني هتعرف تحل المشكله دي يا باسل بابا غير ماما باسل : الاتنين في نظري واحد اهلك و زي ما اقنعت امك هقنع ابوكي سندي : باسل بحبك باسل : وانا كمان بحبك يا قمر يلا اقفلي دلوقتي واكلمك بعدين بقولك ايه انتي فين دلوقتي سندي : بابا باع الفيلا وخدلي شقه ايجار وهو سافر اقعد فيها بس الجيران هنا مزعجين قوي وشباب كتير في الشقه اللي جنبي . باسل : معلش يا حبيبتي استحملي ده وضع مؤقت بقولك ايه معاكي فلوس سندي : ايوه معايا باسل : يا بت انتي م**وفه مني قولي سندي : هعمل ايه بالفلوس انا معرفش حاجه هنا خالص باسل : طيب الشقه دي فين سندي : في مدينه نصر باسل : طيب اقفلي دلوقتي واكلمك كمان شويه بس ابعتي العنوان في رساله سلام سندي : سلام * قفل معاها وكلم حسن المسؤول عن المطعم بتاعة * حسن : باسل بيه في مشكله ؟ باسل : يابني انتا ع**ط ولا مش بتفهم قولت لك مليون مره اسمي باسل حسن : معلش نسيت باسل : طيب اسمع تاخد فلوس من المطعم وتاخد وجبه جاهزه وهابعت ليك عنوان تروح بنفسك توصل الطلب وانتا في السكه تجيب معاك شويه عصائر وتسالي وتخلي معاك مبلغ تديه للي هناك ماشي ؟ حسن : طيب معلش في السؤال احنا فتحنا خدمه توصيل ؟ باسل : انتا غ*ي في مطعم خمس نجوم عنده دلفري دي خطيبتي حسن : طيب يا باشا هتحرك دلوقتي باسل : باشا انتا شكلك غ*ي سلام ( المكالمه التانيه ) من اخوة الوسطاني محمود محمود : (بيزعيق) انتا فين ؟ باسل : ( قام مفزوع) في ايه ؟ محمود : تعال على بني مزار بسرعه باسل : في مشكله ولا ايه محمود : اوعي تتأخر * وقفل قام جري ركب العربيه بي هدومة زي ما هيا و راح بسرعه هي المسافة بين المركز والقريه خمس دقايق بالضبط وصل ل المكان اللي وصفه لية كانت حته مترفاه جدا وبعيده واغلبها بيوت مهجوره دخل جوه بيت لقاها عياده شمال و حد لابس بلطو عليه دم و( محمود ) واقف و ( حياه ) علي السرير ونايمه * شخص : انا مليش دعوه لازم تروح مستشفي حلاً محمود : حصلها نزيف ازاي ؟ شخص : معرفش انا معنديش امكانيات اوقف النزيف ده نهائي بدون اي نقاش ولا حتي يفهم اللي بيحصل شال ( حياه ) من على السرير وخدها للعربيه و ( محمود ) نازل وراة طلعو على مستشفي بني مزار الدكتور بعتهم بعربيه اسعاف ل مستشفي المحافظه ركب ( باسل ) الاسعاف وغطا وش ( حياه ) علشان محدش يعرفها ويروح يقول ل ابوها وتبقي فضيحه في البلد ولما اتكلم مع الدكتور مقالش اسمة الحقيقي وصلو المستشفي و ( محمود ) كان في عربيته وراهم دخلو جوه الدكاتره لحقوها بالعافيه وبعد شويه واقف ( باسل ) و ( محمود ) في ممر طلع الدكتور دكتور : حضرتكم مع الحاله اللي جوه محمود : ايوه يا دكتور دكتور : احنا عملنا اللي علينا والحاله استقرت هننقل ليها دم بس , هي متجوزه ؟ محمود : ايوه يا دكتور دكتور : فين جوزها ؟ محمود : انا دكتور : طيب احنا بلغنا البوليس علشان دي عمليه اجهاض وشكلها كده من بير السلم باسل : مفيش داعي يا دكتور للبوليس اصل البيه والهانم متجوزين جديد وعايزن يعيشه شبابهم واحد بقي شار عليهم بالعمليه دي دكتور : طيب ليه ده العيل بييجي برزقه وبعدين شكلها لسه صغيره على موقف زي ده على العموم انا بلغت الشرطه وهما جايين دلوقتي مشي الدكتور و( باسل ) و ( محمود ) مشيو شويه لشباك الممر باسل : ممكن افهم لو ينفع ؟ محمود : زي ما سمعت انا و ( حياه ) متجوزين في السر وهي حملت كان لازم نشوف حل يا تنزل البيبي يا نعلن جوازنا باسل : وانتا اختارت انك تضحي ب ابنك صح ؟ محمود : مفيش قدامي حل تاني لو مكنش حصل كنا هنتفضح و ابوها هيقتلها وتكون كارثه كبيره باسل : والكارثه لو رجعت لي ابوها كده هيعمل كارثه محمود : ابوها فاكر انها بايته عند واحده صحبتها باسل : طيب يا محمود العمل ايه ؟ محمود : مش عارف بس انا معنديش استعداد اخسرها انا بحبها باسل : مش هينفع ابوها انتا نسيته يبقي مين وفي بينا وبينه ايه ؟ محمود : لا بس انا عندي استعداد اعمل اي حاجه باسل : يعني ؟ محمود : عندي استعداد افتح حرب علشانها باسل : جبها حرب جديده طيب يا محمود سيب ليا الموضوع ده وانا هتصرف محمود : يعني انتا واقف جنبي ؟ باسل : لحد النهايه ياخويا هات مفتاح العربيه هرجع انا وانتا بيت هنا معاها محمود : ماشي طلع من المستشفي نزلت من عند ( محمود ) بعد ما ادالة وعد انة هيقف جنبه ودي كانت الجبهة التانية للحرب حرب علشان اخوه الكبير يبقي مرفوع الراس وصل باسل البيت عنده الفجر لقي امه واخوه ومراته داخلين ينامو راح الاوضه عند امه ناجية : ايه الدم اللي على لبسك ده ومتقولش خناقه ؟ باسل : يا ريت يا امي تبقي خناقه في شارع بس دي بلد بحلها وناس كتيره واقفين عايزين يعرف هعمل ايه ؟ ناجية : اهدي وفكر باسل : مش عارف اعمل ايه ولا افكر ازاي قدامي بير مشاكل من كل ناحيه وعقلي بيقولي اهرب وسيب الدنيا تولع وقلبي بيقولي اغطس في البير ده لحد ما تجيب اخره ناجية : الاصل غالب يا باسل الاصل غالب يابن ابوك باسل : (خد نفس كبير وحكي ل ( ناجية ) على مشكله ( محمود )يخف الحمل من علية شويه ). ناجية : يا نهار اسود العمل ايه ؟ باسل : هجوزهم ل بعض ناجية : جوز خالتك يا فالح باسل : سبيها عليا انا هعرف اتصرف معاه ناجية : طيب دي مشكله اخوك ايه المشكله التانيه ؟ باسل : مفيش مشكله تانيه ناجية : عينك فضحاك باسل : الصراحه عايز اتجوز ناجية : (بصت لي السبحه اللي مسكها) وبعدين ؟ باسل : ولا قبلين انا عايز اتجوز واحده معايا في الكليه ناجية : ودي ظروفها ايه ؟ باسل : (حكيي ل ناجية كل حاجه معادا ان امها تاجره م**رات ) بس ناجية : مينفعش باسل : ايه هو اللي مينفعش ؟ ناجية : مينفعش تتجوز من بره العيله باسل : اشمعنا ؟ ناجية : انتا بالذات انا مختاره ليك عروسه من العيله ( ساره ) بنت عمك ( عا** ) باسل : ساره لا ناجية : البنت هتتجنن عليك انتا عارف دي لسه ماشيه من كام ساعه جايه عايزه تشوفك وتطمن عليك بس لقتها نامت مكانها قولت ليها تمشي بالعافيه باسل : ماما انا مش بحب ساره انا بحب سندي وهتجوزها ناجية : فكر يا باسل ساره دي بنت بتحبك ومن العيله وعرفنها وعرفين اصلها وفصلها لكن سندي دي انا معرفهاش باسل : بسيطه اعرفك عليها ناجية : لا يا باسل انا قولت لا باسل : خلاص انا بره ناجية : (بي اندهاش) بره ازي يعني ؟ باسل : يعني بره العيله ناجية : (بملامح جدا) وده ازاي بقي انتا تقدر تعيش من غير العيله من غير البلد والسلطه والفلوس متنساش البيت اللي انتا قاعد فيه في القاهره باسمي هو والمطعم يعني لو كملت كده هتبقي في الشارع . باسل : ( ببرود واستخفاف ) عيله ههههههه ضحكتيني يا امي العيله من غير العمده الهيبه بتاعتها تضيع وانتو عايزين العموديه انا هجبها ليكم حتي لو كانت في بق السبع مقابل ده انتو تحضروه الفرح بتاعي على سندي ناجية : من غير ما نبارك باسل : مش محتاج مباركه انتي اللي عايزه الاسلوب ده مش انا يبقي تستحمله ناجية : طيب انا مش هادفع جنيه في الجوازه دي باسل : لو على الفلوس انا مش محتاج ناجية : خلاص تسيب ورثك من ابوك باسل : انا مش هسيب حاجه وبعد ما اتجوز هجيبها تقعد معايا في البيت ده لو في حد زعلها انا هدوس عليه بجزمتي ناجية : (باندهاش) انتا جبت الكلام ده منين ؟ باسل : كلام ايه؟ ناجية : مش معقوله باسل : ايه اللي مش معقول ناجية : الشبه اللي بينك وبين ابوك انتا عارف ابوك قال نفس الكلام لي جدك لما طلب منه يتجوزني كان جدك رافض علشان انا من بره العيله باسل : واد*كم اتجوزتم يعني تهديد ابويا ل جدي جاب فيده وانا كمان هتوافقي ناجية : براحتك يا باسل بس فكر شويه باسل : انا مفكر كويس اعملي حسابك بكره انتي ها تيجي معايا القاهره ناجية: ليه ؟ باسل : علشان تقبليها سلام راح الاوضه بتاعتة ينام وتاني يوم راح جاب ( محمود ) و ( حياة ) من المستشفى لبيت العيلة كانت ( ناجية ) و( مصطفي ) اخوة الكبير قاعدين تحت , ( ناجية ) اول ما شافت حياة ومحمود ادت كل واحد فيهم قلم حكومه ناجية : يا اواسخ بقا تعملو كل دة من ورايا محمود : يا ماما احنا معملناش حاجه غلط احنا اتجوزنا عند ماذون شرعي وبقسيمه جواز ناجية : (بغضب) غ*ي انتا غ*ي انا ربيت عيل وطلع غ*ي انتا اغ*ي عيالي فاكر ان ابوها هيسكت لا تبقي غ*ي انتا بغبائك وجهلك فتحت جرح قديم عمره اكبر من عمرك انتا واخواتك جرح كان ملتهب واد*ك حطيت عليه ملح اتفتح وهيوجع الكل يا غبي محمود : (بي صوت عالي) محدش ليه عندي حاجه انا وهي كبار كفايه نحدد مصيرنا احنا ها نسافر نعيش برة مصطفي : (خرج من **ته) تهرب على فين ولا عادي بالنسبه ليك تهرب هي اول مره طول عمرك بتهرب من المشاكل عمرك ما وقفت تواجه انا اللي كنت بقف و اسد حتي اخوك الصغير باسل كان بيوقف وانتا لا ,عمرنا احتجنا ليك ولقيناك عايز تمشي يا محمود اتفضل باسبورك فوق وهي كمان تقدر تجيب الباسبور بتاعها ولو مش معاها يوم ويطلع واحد جديد تخدها وتسافر وتهرب وتعيش حياتك كلها هربان متخفش احنا هنقعد هنا نحارب ونخسر ناس علشان تعيش في امان وانا عندي استعداد اقف لوحدي بس انتا تكون في امان انتا واخوك قام مصطفي وهو متنرفز دخل الاوضه بتاعته ونزلت جيهان مرات مصطفي لما سمعت صوته عالي * جيهان : في ايه يا باسل في ايه يا ناجية ؟ ناجية : مفيش يا حبيبتي جيهان : مصطفي كان صوته عالي ليه ايه اللي حصل ؟ ناجية : مفيش يا جيهان اطلعي اقعدي مع ابنك دلوقتي جيهان : بس ناجية : (قطعت كلامها) مفيش بس بقولك اطلعي طلعت جيهان و ناجية دخلت المكتب ل مصطفي تهدية * باسل : ايه اللي قولت ده كلام يتقال انتا مجنون ؟ محمود : باسل انا معنديش حل تاني باسل : لا في حل متقلقش حياة انتي هترجعي البيت عادي ولا كأن حاجه حصلت حياة : ( بخوف ) انا خايفه ارجع باسل : خايفه عيب تقولي كده يا مرات اخويا معلش اسمعي مني انتي ترجعي البيت عندك وانا هتصرف محمود : ( بص ل حياة ) ارجعي متخفيش محدش هيقدر يلمسك . طلعت ( حياه ) تروح و ( باسل ) قعد في الصالون ومحمود جنبة , غمض عينة بيفكر في كتير ودماغة ها تنفجر من التفكير وجواة صراع مع الذات * باسل: بقولك ايه فكك من موضوع العمده وكمان ومحمود واطلع على القاهره اتجوز سندي انتا كده كدة عندك كام شقه في القاهره وكمان هنا في المنيا باسمك اجرهم واشتغل فيهم بلا عيله بلا هم باسل : ازاي انتا عايز تسيب كل دول كده محمود اخوك لو سبته هيتصرف بغباء وانتا عارف انه ارعن هيموت هو وحياه والعيله ها تخسر الهيبه بتاعتها ايوه الموضوع تافه بس كبير عندهم وبعدين ابو حياه لو عمل كده وقتل محمود ساعتها هيكون في دم كتير انتا عايز تمشي وانتا على كتفك ده كله باسل : خلاص يا عم باسل : كونت عارف انك مش هتمشي باسل : هو انتا سبت ليا فرصه افكر انتا رصيت المشاكل كلها قدامي والتوابع بتاعتها باسل : علشان افكرك لو كنت ناسي واحفزك لو كنت هتستسلم فاق من كل ده على محمود محمود : هنعمل ايه ؟ باسل : بص انا هاطلع البس وانزل اجيب لفه شكولاته حلوه واروح ل عمك ممدوح اطلب ايدها ليك محمود : بجد ازاي هو ها يوافق باسل : انا عايزو يرفض وساعتها تتحل بسكه تانيه بس نكون خبطنا على كل البيبان سلام في مشهد اخر البيت عند ( عا** ) عم ( باسل ) اهله كلهم عايشين هنا معاده هو وابنه اشرف و عا** يبقي مدير امن القاهره قاعد يفطر هو ومراته سماح وبنته ( ساره ) عا** : صباح الخير يا ساره كل ده نوم ساره : معلش يا بابا كنت عند بيت عمي جلال واخرت هناك سماح : بقولك ايه يا عا** انتا تشوف حل مع بنتك كل يوم تروح عند ناجية وتأخر عا** : طيب ايه المشكله واحده وعند بيت عمها سماح : المشكله في هيا ليها مين هناك علشان تروحله ساره : ليا باسل طبعا عا** : حبيبه ابوكي شاطره (بيكلم سماح) ليها باسل وهو ده المهم سماح : بلاش باسل بكره يجي ليها واد ابن قاضي ولا لواء ولا رجل اعمال يعيشها احسن من باسل عا** : متهيئلك انتي متعرفيش باسل لما يكبر ها يبقي ايه باسل واد ذكي سماح : الأذكياء كتير عا** : مش زي باسل بصي الدنيا دي عامله زي الهرم في ناس في القمه وناس تحت القمه اما باسل بقي ف ده عايز يكون في القمه دايما علشان كده عايز اجوزها ل واحد يكون في القمه ب نفسه مش ابوه في القمه وبعد ما يسبها ليه يضيع كل حاجه و اشرف كمان مش هجوزه واحده ابوها في القمه لزم اللي يتجوزها تقف جنبه لحد ما يوصل ل قمته فهمتي في مشهد اخر * ( باسل ) راح ل ( ممدوح الراعي ) يبقي جوز خالتة وكان صاحب ابوية الروح بالروح بس حصلت مشاكل بينهم من زمان محدش يعرفها غير هو و ( ابو باسل ) بس , دخل البيت وخالتة ( حنان ) اول ما ما دخل خدتة بالحضن * حنان : (بي سعاده) وحشني يا باسل وحشني يا حبيبي عامل ايه اخبارك واخبار الجامعه ايه وامك واخواتك كلهم عملين ايه باسل : (بي نرفزه هزار) جري ايه يا ست انتي ايه الاوفر ده انتي بنتك بيته عندنا حنان : (بي صوت واطي) وطي صوتك عمك ممدوح لو سمع هيطين عشتها وعشتي وعشتك باسل : لا سيبو عشتي في حالها هي كده كدة طين لوحدها حنان : ليه كده بس مالك باسل : (بي حزن) اختك مطلعه عيني يا خالتي حنان : (بتضحك) هههههههه هي ناجية طول عمرها كده مطلعه عين الناس بس طيبه باسل : انا عارف انها طيبه بس انا مش عارف بتعمل معايا كده لية حنان: طيب بص قولي وانا اخدلك حقك منها باسل : طيب بزمتك انتي تعرفي تعملي معاها حاجه ؟ حنان : الصراحه لا ههههههه بس تمام احكي وفضفض باسل : باسل يا ستي اتعرفت على بنت في الجامعه وعايز اتجوزها بس هي مش موافقه حنان : طيب دي مشكله فعلاً باسل : ليه يعني لو على العادات والتقاليد فهي مستعده تتغير غير كده هي طيبه ومحترمه وبنت ناس ابوها شغال مهندس بس هو مش مصري وامها دكتوره كبيره حنان : لا المشكله مش في كده (لسه هتتكلم سكتت) باسل : مالك يا خالتي كملي حنان : اقولك سر باسل : في بير حنان : بس يا سيدي انتا عارف انا مش بحب مرات عمك عا** صح بس ادلهم فتره كده عمك ممدوح بيعزمهم علي الغدا يسهرو معانا واحنا كمان نروح ليهم والود رايح جاي قعدت انا بقي مع بنته ساره مقولكش يا باسل بنت بجد قمر 14 وبنت ناس و باسل : (قاطع كلامها) انتي هتعرفيني على بنت عمي انجزي يا ست انتي حنان : بقي كده يا باسل ماشي مش هكمل باسل : خلاص يا ستي كملي انا اسف حنان : ماشي هكمل ( حنان دي راغيه قوي ) وعرفت منها انها عينها عليك انتا باسل : لا ساره اختي بس حنان : تصدق انا لو عندي ولد كنت جوزتها ليه باسل : لو عندك بقي صحيح هو عمي بيجي هنا يعمل ايه ؟ حنان : بيتكلم مع ممدوح في شغل شكله نازل انتخابات مجلس الشعب وبيتكلم مع عمك باسل : انتي سمعتي انتخابات ؟ حنان : ايوه باسل : طيب حنان : ل مين الشكولاته دي ؟ باسل : ( بست ايدها ) ليكي انتا يا عسليا يا قمر سلام مشي من عند خالتة و راح البيت لقيت الكل متجمع ومتوتر* باسل: ايه يا جماعه قعدين ليه كده مصطفي : ( ب حده في كلامه عمر ما سمعها ابدا ) كنت فين ؟ باسل : ليه ؟ مصطفي : ( ب صوت عالي ) بقولك كنت فين ؟ باسل : ( بص ل جيهان ) بقولك ايه يا جيهان جيهان : خير يا باسل ؟ باسل : انا الصبح بصيت في التلاجه لقيت بسبوسه انتي اللي عملاها ؟ ناجية : بسبوسه ايه ؟ رد على اخوك وبلاش برود باسل : بصي هاتي ل محمود ومصطفي وليكي وكمان ل ناجية يلت عامل معاكي واجب اهو انتي زي ناجية برضه وليا انا بقا طبقين احسن وحشتني البسبوسه بتاعتك قوي * قامت جيهان وهي بتقول ايه الع**ط ده دخلت المطبخ ورجعت * جيهان : اتفضلو باسل : كل يا مصطفى مصطفي : (بصوت عالي) مش واكل اعرف كنت فين ؟ باسل : (ب برود ماسك المعلقه وبياكل) وانا مش هتكلم غير لما تاكل البسبوسه وتهدي ناجية : ( لسه مصطفي هيقوم ناجية ردت) ماشي هناكل لما نشوف اخرتها معاك يا ابن بطني كلو البسبوسه * مصطفي : هيا سيدي كنت فين وازاي اعرف من اخوك انك رايح تطلب ايد حياه رغم انك عارف المشاكل الاي بينا عامله ازاي يا راجل انتا مكبرتش حد في العيله كلها باسل : طيب يا مصطفي انا مطلبتش ايد حد محمود : يعني ايه ؟ باسل : يعني تهدي شويه الموضوع هيطول وتخف مقابلات معاها لا مش تخف تمنع نهائي ماشي وبالنسبه ليك يا مصطفي انتا اخويا الكبير جزمتك فوق راسي بس انتا عارفني لاني تربيه ايدك مش بحب حد يكلمني ب صوت عالى ولا يتنرفز عليا ماشي ايوه كنت هنسي موضوع الأذن والكبير وكده انتا عارف انا بكبرك كويس قوي بس انا مش بحب اخد اذن من حد المشكله بتاعتكم حلها اني مش هاخد اذن من حد هروح حتت واقابل ناس مش محتاجه اذن منك لانها ناس انتا مينفعش تعرفهم وله انا كمان بس انا بحب اجازف اوكي ايوه ناجية حضري نفسك هنسافر كمان شويه القاهره علشان تتعرفي على خطيبت ابنك سلام في مشهد اخر الحرامي اللي سبت باسل وسندي في قاعد في مخزن ودخلت عليه عربيه جيب سوده ونزل منها واحد * حرامي : اهلا يا باشا (طلع المحفظه) اتفضل , اتعابي بقا شخص : لا انتا مش هتاخد اتعاب حرامي : يعني ؟ شخص : يعني انتا جاي معايا الهانم عايزك يلا . حرامي : وماله نروح للهانم المشهد العام ده عرفتم الحرب فين ومع مين وليه حرب على جبهتين وتلاتة حرب باسلوب قديم كل فريق في خندق قصاد التاني وكل واحد بيض*ب طلقه الخندق التاني فيه فريق ب ناسه بس خندق باسل فيه هو والامل بس امل انه يتجوز حبيبته وامل انه يلحق اخوه بدل ما ويكون في دم وامل انه يحافظ على هيبه العيله يتبع.......

Free reading for new users

Scan code to download app

App Store Google Play

Facebookexpand_more