"Yaya, sigurado ka na darating ang magaling mong alaga? Aba'y ilang araw na pala siyang nandito sa bansa pero hindi man lang nagawa ang magpakita rito sa bahay?" iritableng tanong ng panganay na kapatid ni Tommy.
"Oo, Sir. Siurado ak dahil nakausap ko siya sa telepono. Hintayin lang natin na kakatok siya sa main gate," sagot ng Yaya nila na panay ang tingin sa labas ng gate.
Labis-labis ang panalangin na sana ay hindi nagbago ang isipan ng mahal niyang alaga. Kulang ang salitang masaya upang ilarawan ang sayang lumulukob sa kaniya ng bigla itong tumawag. Umiyak siya na halos hindi makapagsalita dahil dito. Anim na taon niya itong hindi nakita, biglang tatawag ng Yaya. Maaring hindi niya ito dinala ng siyam na buwan, hindi siya ang nagsilang, pero kung pagmamahal, respeto lang ang pag-uus
