"Mga inutil! Nag-iisang lalaki pero natakasan pa kayong mga hayop kayo! Anong silbi ng perang ibinabayad namin sa inyo kung hindi ninyo magawa ng maayos ang trabaho ninyo?!" animo'y kulog sa lakas na sabi ni San sa mga inutusang sundan at dukutin ang lalaking kasa-kasama ng kapatid niya noong nasa bansa pa ito kaso ang mga palpak na tauhan ng ama'y natakasan pa.
"Ipagpaumanhin mo na, Boss. Huwag kang mag-alala dahil babalikan namin sa unibersidad na pinapasukan. Sa susunod ay kailangan na namin siyang mapagtagumpayang dukutin," sagot ng isa.
"Nadukot naman natin, Bro. Iyon nga lang ay may mga aninong biglang sumulpot at bumawi sa kaniya. Mabuti sana kung namukhaan natin upang malaman kung sino-sino ang hahabulin natin," saad ng isa.
Kaya naman agad napaling ang binata rito. Di yata't ma
