"Kumusta kaya ang mga iyon sa siyudad?" tanong ni Aling Tina sa asawa.
Nagsisimula ng lumaganap ang gabi. Maaga pa naman iyon nga lang ay hindi siya sanay na wala doon ang nag-iisa nilang anak. Ang Boss nila ang laging wala, ito ang lagi nilang inaalala ngunit sa gabing iyon ay dalawa ang nasa labas ng rancho.
"Okay naman siguro, asawa ko. Ayun naman sa paalam ni Tan-Tan ay babalik sila ngayong gabi," tugon ng Ginoo.
"Alam ko iyon, Andong. Kaso hindi ko mapigilan ang sarili ko na huwag mag-alala. Sa mga nangyayari sa buhay ng amo natin, kagaya kagabi na nakulong pala siya dahil sa maling impormasyon. Kaya hindi mo ako masisisi kung ganito ako, laging nag-aalala para sa kaniya. Lalo at magkasama pa sila ng anak natin." Napabuntunghinga tuloy siya.
"May tiwala ako kay Sir Tommy. Nasabi n
