"Sa tingin ko ay hindi ko na kailangang magbalita, Sweetheart. Mukhang si Saavedra iyon," ani Roodney sa kasintahan.
Nasa garden naman kasi sila kaya't kitang-kita nila ang paglabas ng binata mula ss kabahayan. Hindi nga lang nila makita ang mukha nito dahil patagilid lang nila itong nakita.
"Yes, 'Ney. Actually magkasunod lamang kayong dalawa," tugon ng dalaga.
Humingi na ang Kuya niya ng paumanhin, ganoon din siya. Nagkapatawaran silang lahat kaso parang umaalingawngaw pa rin sa pandinig niya ang malakulog nitong boses. Dragona siya oo, madalas nilang lambingin ng kambal niya ang kanilang Kuya. Kaso hanggang sa sandaling iyon ay parang galit nitong mukha ang nakikita.
"Are you okay, Sweetheart?" tanong ng binata dahil napansing napatulala ang kasintahan. Halatang may iniisip ito.
"O
