"Engineer Saavedra, kanina pa kita napansing tahimik ah. May iniwan ka na bang kabiyak ng puso mo?" Pukaw ni Brian Niel sa binatang mula sa airport ay tahimik.
Nakakapanibago para sa kanya ang bagay na iyon dahil para itong babaing madaldal kapag nagsimula sa pagsasalita kaso himala yatang nalunok ang dila. Pero sa kabilang bahagi ng isipan niya ay may hinala na siya kung bakit tahimik ito. Idagdag pa ang inis nito sa airport sa mga babaing walang awang bumangga sa may edad na lalaki.
"Ang magiging kabiyak ko ay ang kapatid mo, Boss. Iniisip ko pa kung paano ko siya maagaw kay Sir Officer upang madala ko sa aking palasyo," tugon ni Tommy.
Ngunit sa isipan niya ay hindi na niya ito kailangang agawin dahil bukod sa malapit nang mamatay ang opisyal ay naihabilin na nito sa kaniya. Mahal ni
