"Oh nandiyan ka na pala anak. Bakit hindi mo pinapasok ang nobyo mo?" salubong ni Clarence sa anak.
"Ay gising ka pa pala, Daddy?" balik-tanong ng dalaga sabay yakap dito saka hinagkan sa noo.
"Pambihira ka namang bata ka, tinanong kita kaso sinagot mo din ng tanong?" napangiwing sabi ng padre de-pamilya.
Kaya naman ay napangiti ang dalaga, totoo naman kasi ang ama niya kaso sa kawalan ng masabi'y iyon ang naisagot niya. Dahil hanggang sa oras na iyon ay palaisipan sa kaniya ang pagbabago ng kasintahan.
"Sabi niya ay lumalalim na ang gabi kaya next time na lang daw ang pasok niya, Daddy. Bakit may sasabihin ka ba sa kaniya?" muli ay tanong niya.
Sa tanong ng anak niya ay napagdesisyunan niyang ito na lang ang kakausapin niya.
"Halika rito, anak. Maupo ka total hindi naman tumuloy an
