Chapter 14
Mariz' PoV
“Sinasagot na kita, Mariz. Oo, payag na 'ko. Tayo na. May karapatan ka na sa akin. Huwag mo na 'kong pagselosin.”
Oh my goodness! Nanlaki ang mga mata ko at tila huminto ang oras nang sinasagot na ako ni Valentino. Ibang klase 'yung kilig ko. Pero akala ko ba hard to get siya? Bakit ang bilis niya akong sagutin? Bakit bumigay agad siya sa akin? Isang kaban ng bigas pa lang ang naibibigay ko at unang date pa lang namin. Ganoon ba talaga ako kaganda? Akala ko ay iba siya sa lahat ng lalaki. Marupok din pala siya.
Sa gitna ng katahimikan, bigla na lang bumukas ang pinto. At dahil nakaharang ako sa pintuan ay naitulak ako, at nauntog ako sa baba ni Valentino at napayakap siya sa akin.
"Mari--"
Natigilan kaming tatlo sa tagpong iyon. Si Lance ang bumukas ng pint
