MABILIS NA isinara ni Eros ang pintuan nang dinampot si Mauve ng flower vase na nakapatong sa isang furniture katabi nito at malakas na ibinato sa kaniya. Tumama ang vase sa likod ng pintuan at nabasag. Nahulog sa sahig at nagkalat ang bubog. “Ho!” Pinunasan niya ang namuong mga pawis sa kaniyang noo. Tiyak na basag na ang kaniyang mukha at itinatakbo na siya sa hospital ngayon kung hindi niya kaagad naisara ang pintuan.
ㅤ ㅤㅤ ㅤ ㅤㅤ ㅤ ㅤㅤ ㅤ
“Ah!! You pervert!! Napakawalang hiya mo talaga!” malakas ang sigaw ni Mauve at nanginginig ito sa galit habang yakap-yakap ang hubad na katawan. Sa ikatlong pagkakataon ay nakitaan nanaman ng lalaking kinasusuklaman. Kung bakit ba naman kasi nakalimutang i-lock ang pintuan. Hindi naman nito inaasahan na babalik si Eros para sa kung anong naiwan.
ㅤ
