KUMUNOT ang noo ni Mauve nang mapansin niyang naging dalawa ang fountain pen na bigay pa ng kaniyang ama. “Dalawa? Pa’nong naging dalawa ‘to?” tanong niya sa sarili sa labis na pagtataka. Kasalukuyan siyang nasa loob ng isang restaurant at doon niya naisipang ituloy ang ilang papeles na kailangan niyang pirmahan at maya-maya rin ay dadalhin sa trabaho. Wala kasi siyang balak pumasok sa opisina ngayon, ihahatid niya lamang ang ilang papeles na hawak dahil kailangan ito ngayong araw. Kakaunti lang naman iyon kaya bago siya kumain ay naisipan muna itong pirmahan.
Kaya nga lamang ay nagtataka siya dahil naging dalawa ang pares ng kaniyang fountain pen. Inisip niyang mabuti kung paano iyon nangyari, hanggang sa naalala niyang pinulot niya ito sa upuan ng sasakyan ng salbaheng lalaking iyon da
