BUMABA si Mauve sa unang butika na nadaanan nila. Wala siyang kaarte-arteng lumabas ng sasakyan kahit tirik pa ang araw. Kaagad na binili ang dapat na bilhin saka bumalik sa sasakyan. “Heto oh, magpahid ka agad. May direction naman ‘yan sa likod kung paano.” Iniabot niya ang biniling ointment sa lalaki, naka-paper bag pa ito na kulay khaki. “Saan tayo sunod na magpupunta?”
“Find your OB for your first checkup.” Panaka-nakang tumitingin si Eros sa suot na wrist watch kahit na wala naman itong ibang lakad ngayong araw at sa mga susunod pang araw dahil sa sapilitang leave nila ni Mauve sa opisina gawa ng kanilang mababait na ina. Hindi na nga sila nagsayang pa ng oras at nagtungo na sa isang kilalang klinika para sa mga nagdadalang tao. Naghanap si Eros ng magandang rekomendasyon online at
