HINDI NAKATIIS si Eros, ikinambyo niya ang manibela upang bumalik sa kinaroroonan ni Mauve. Sino ba naman kasing matinong lalaki ang makatitiis na iwan ang isang babae gayong batid mong nasa peligro ito at maaring may hindi magandang mangyari. Tamang-tama lamang ang kaniyang dating dahil magkakasalubong pa lamang ng mga kalalakihang iyon ang babae. Itinapat niya ang headlight ng sasakyan sa gawi kung nasaan si Mauve.
Ang babae ay napatakip ng braso sa mukha dahil sa liwanag na dala ng kaniyang sasakyan at napapitlag nang pihitin niya ang busina. “Ano nanamang problema ng lalaking ‘to? Bakit ba ayaw niya akong tantanan?” Natanaw na nito ang sasakyan niyang pabalik ngunit hindi pinansin dahil akala ay may babalikan ito sa restaurant.
Dahil sa ginawa ni Eros ay dumaan lamang ang grupo ng
