Valeen's POV
Napangiwi ako nang kumirot ang itaas na bahagi ng pang-upo ko. Sobra akong nabigla nang itulak ako ng babaeng dumating kanina. Hindi ko siya kilala at wala akong pakialam sakanya. Ano bang karapatan niyang itulak ako? Sino ba siya sa akala niya? Girlfriend kaya siya ni Dave? Kung totoo yun, masasabi kong bagay nga sila. Pareho silang walang manners!
"Kapag talaga bumalik siya at inulit niya pa yun, makikita niya!" Bubulong bulong ako habang naghihiwa ng patatas para sa iluluto kong menudo. Gigil na gigil ako at idinadaan ko iyon sa paghihiwa ng gulay.
"Magkaaway kayo ng gulay?"
Napatigil ako sa paghihiwa nang may biglang sumulpot sa harapan ko. Kamay palang na nakapamulsa ay alam ko na kung sino. Hindi ako nag-angat ng tingin at pinagpatuloy lang ang paghih
