Valeen's POV
Literal na napanganga ako at napatanga habang sinusundan siya ng tingin habang nakapamulsang naglalakad papasok sa bahay nila. Napapadyak ako sa pinaghalo halong emosyon! Lintek lang!
Ibabalik niya yung halik? Ano daw? Iniisip ko palang, tumataas na ang balahibo ko at nagpapawis ang kamay. Baliw ba siya? Hindi ako tanga para hindi makuha kung anong gusto niyang mangyari. Gusto niyang maglaplapan-
Ano yun, Valeen? Valeen, ano yun? Pakiulit nga?
Malakas na pinaypayan ko ang sarili ko. Jusko! Nagpunta lang ako ng Maynila, naging wild na akong mag-isip! Ano nalang ang sasabihin ng mga-
"Hey.."
Muntik na akong mapasigaw sa gulat nang may magsalita sa gilid ko. Nag-angat ako ng tingin at napakurap kurap pa nang makita kung sino ang nasa harap
