Rain:
NAPAPALABI AKO dahil kanina pa kaming nandidito sa burol kung saan gaganapin ang kasal namin ni Collins pero wala pa rin ito! Isang oras na nga siyang late na ikinakakaba ko. Imposible naman kasing mag-backout 'yon eh pinakahinihintay naming dalawa ang araw na 'to.
"Relax ka lang Rain, darating 'yon" ani ate Cathleen na niyakap ako. Naluluha na rin kasi ako na panay ang tingin sa entrance nitong venue namin. Kumulimlim na nga ang maaliwalas kaninang panahon pero heto at hindi pa kami nakakapagsimula ng seremonyo.
Si Collins kasi ang unang papasok sa itinayo naming altar sa harapan na may mini stage at arko na napapalamutian ng pink at white rose climbing. Garden wedding ang pinili kong tema at gusto kong gawing pribado ito. Na kami-kami lang ng aming pamilya at mga kaibigan ang
