Rain:
KABADO AKO HABANG hinihintay matapos akong ayusan ng mga make-up artist na inupahan ni Collins. Naiilang pa nga ako pero gusto nitong mag-ayos ako ngayong gabi. Kahit sinabi nitong simpleng dinner date lang ang gagawin namin sa labas gaya ng madalas naming gawin ay iba ang kutob ko sa mga nangyayari.
Mas gusto kasi ni Collins na hindi ako naglalagay ng make-up sa mukha para daw labas ang natural kong ganda at hindi dinadala lang ng make-up kaya nakakapagtaka na ngayon ay may nirentahan pa itong mga make-up artist na umayos sa akin mula ulo hanggang paa. Kahit ang unat kong mahabang buhok ay inayos nilang kinulot na ibinagay sa pagmi-make-up sa akin.
Napanguso akong pigil-pigil ang sariling mapangiti na pinapasadaan ang itsura sa full length mirror na kaharap ko. Hindi ko lang lun
