"Habang wala po kayo ay nakatanggap kami ng ilang reklamo mula sa mga katabing unit ninyo, at pati na rin po sa ibang residente."
Ngayon ay magkaharap kami sa office ng condo dahil ayoko silang papasukin sa unit. Natakot kasi akong kapag nakita nila kung ano ang hitsura ng lugar ay mas madagdagan ang problema.
Tumango-tango ako para magpatuloy siya sa sasabihin niya.
"Nakatanggap po kami ng reklamo na masiyado pong maingay sa inyong unit, may mga tawanan at tugtugan po kahit po madaling-araw na, at kahit sinaway po ay hindi pa rin tumigil. We've already informed you naman na po about sa policy ng condotel natin na may curfew po tayo, hindi po ba? Pero sa unit niyo po ay may nagpumilit na maglabas-masok sa ganitong oras, at kahit po ang staff ay inaway na nila," pag-uumpisa niya na hal
