Kalahating oras na ang lumipas pero nasa EDSA pa rin kami. Nakaidlip na ako sa sasakyan dahil sa traffic.
Hindi ko namalayang nakarating na kami sa pupuntahan namin kung hindi pa ako ginising ni Julian.
"We're here in my parent's house," saad nito.
Napatingin ako sa "house na" sinasabi nito. Palasyo ba ang nakikita ko? Ang lawak ng looban nito na tanaw mula sa pagitan ng mga rehas na bakal ng bakuran at gate nito. May fountain sa gitna para maging ikutan ng sasakyan papasok at palabas ng looban. Makatayo ang napakalaking bahay na kulay puti. Mansyon ang nakikita ko. Dalawang palapag ito at bago ang disenyo. May malaking entrance door sa harap at may terrace sa ikalawang palapag. At swimming pool ba iyong nakikita ko? Indoor pool siya sa kaliwang gilid ng mansyon. May bubong ito at mirr
