MOON:
ILANG buwan ang lumipas at muling naulit ang pag-flat line ng heart beat ni Cloud. Pero sa pagkakataong ito ay nagising siya na nire-revive ito. Para akong nahugutan ng malaking tinik sa dibdib na nagising ang anak ko sa ilang buwan niyang pagkaka-coma. Pero katulad sa inaasahan namin ay wala itong. . . maalala.
Naging mahirap ang mga unang araw namin na lapitan ito. Nagwawala kasi siya dahil wala pa siyang makita. Wala siyang matandaan maski pangalan nito maliban sa isang pangalan na palagi niyang tinatawag. . . si Charrie.
Ilang linggo matapos nitong magising ay mas nasusuyo ko na ito at nakakausap. Mailap siya pero hindi naman niya ako sinusungitan dahil nagpakilala ako sa kanya na kanyang ama. Mabuti na lang at may pera ang anak kong si Typhoon na siyang nag-sponsor ng gastos
