Of all places, dito pa talaga sa Martenei University Hospital kami ng anak ko dadalhin ng kapalaran. Alam kong mapaglaro ang kapalaran at naging biktima niya na ako noon. Ang hindi ko inaasahan, hanggang ngayon ay pinaglalaruan pa rin niya ako. Ilang ospital na ang pinuntahan ko para sa kaso ng anak ko pero iisa lang ang itinuturo nilang lugar kung saan ko makikita ang pinakamagaling na eye specialist dito sa bansa. Kung ako lang ang masusunod, hinding-hindi na ako aapak pa sa lugar na ito kung saan malaki ang tsansang makakasalubong ko ang taong kinamumuhian ko. Ngunit ang kinabukasan na ni Mac-mac ang nakasalalay dito. At hindi ako papayag na ang pride ko ang magiging dahilan para hindi magkaroon ng pagkakataon ang anak ko na muling makakita. Hell, kung buhay ko ang magiging kapalit maka
