Tragedy.
Everything that’s going around me and the people of our province is a tragedy.
Una si Makie. Sumunod ang kanyang mga magulang. Hindi pa rin ako makapaniwala sa mga nagaganap. Hindi pa rin ako makapaniwala sa panginginig ng katawan ko at sa walang tigil na pagtulo ng luha ko habang nakatitig sa tatlong kabaong sa mansyon ng mga Vargas.
Hindi pa rin ako makapaniwalang patay na talaga siya. Wala na si Makie. Sumabog ang kotseng sinasakyan nila ng lalaking nalaman kong kaibigan niya. Nang malaman iyon ng kanyang mga magulang ay inatake nang tuluyan ang kanyang ama. Hindi rin nakayanan ng kanyang ina ang nangyari at inatake rin ito. In just a span of a day, buong pamilya nila ang namatay.
Ang sakit sa puso ko sa ginawa niyang kataksilan ay napalitan ng mas masakit na pakiramdam na
