“Masyado atang malayo itong tinitirhan n’yo sa Martenei.”
“Hindi ba nakakapagod ang bumiyahe ng dalawang oras araw-araw?”
“Are you sure you’re safe here?”
Sa totoo lang kanina pa ako naiirita sa mga side comments ni Flame. Kung di lang ako nag-aalalang magigising si Mac-mac kapag binulyawan ko siya, kanina ko pa sana iniumpog ang ulo niya sa manibela. Kahit pabulong ang mga komento niya, nakakapag-init pa rin ng dugo. Kumba’t kasi hindi ko natanggihan si Mac-mac kanina nang pumayag itong magpahatid kami kay Flame.
“Kapag hindi ka nanahimik dyan, I swear, ito na ang huling beses na maihahatid mo kami.” Madiin kong sabi sa kanya kahit pabulong din iyon. Napabuntong-hininga na lang siya bago lumabas ng kotse para pagbuksan kami.
Dahil medyo may kabigatan ang anak ko ay hindi ako makagala
