فرصة تانية

الفصل الرابع

شهد وهى يبدوا عليها التردد وتبلع ريقها : . . . . . . . . . .

كنت عاوزة أقولك إن بابا جمال وماما كريمة دول مش أبويا وأمى ال خلفونى . . . . . . . . .

خالد وهو متعجب ، واتسعت عيناه محاولا استيعاب ماقالته ، طوكأنه وقع عليه الصاعقة :

يعنى ايه مش أبوكى وأمك ، مش فاهم حاجة ! ! . . . . . . .

شهد ترد عليه كما لو كانت تكذب ماقالته :

انا هفهمك الموضوع من الاول :-

ماكنتش حابة أتكلم فيه مع أى حد ، لأنه حساس جدا بالنسبالي ، بس لازم تعرف الحقيقة ، وزى ماكنت ص**ح معايا ، أنا كمان لازم ابقى ص**حة معاك .

. . . . . . . . . . . . . . . . . . . . . . . . . .

. . . . . . . . . . . . . . . . . . . . . . . . . . .

أنا لما وعيت على الدنيا ، ماشوفتش حد قدامى غير بابا جمال وماما كريمة ، هما ال اتبنونى ، من وأنا عندى ٤٠ يوم ، وده لأنهم مابيخلفوش ، وبعد سنين طويلة من الزواج ، ربنا منعهم من الخلفة ، وكان حد قالهم يتبنوا طفل ، وأهو يكون ليكوا سند ، وتاخدوا فيه ثواب ،

وبالفعل جم الملجأ وشافونى ، وماما كريمة قالت عايزة بنوتة ، وزى مايكون لينا نصيب نبقى مع بعض ، ولأنهم فعلا هما ال مربينى ، وبعتبرهم فعلا هما أبويا وأمى ال خلفونى ، ولأنى ماشوفتش حد لما وعيت ع الدنيا غيرهم ، والموضوع ده ماحدش يعرفه غيرنا احنا التلاتة .

وهما مش بيعتبرونى زى بنتهم ، لا انا فعلا بنتهم ، ومراعيين ربنا فيا وأكتر كمان ، وعمرهم ماحسسونى انى مش بنتهم . . . . . . . . . . . .

. . . . . . . . . . . . . . . . . . . .

خالد وهو فى ذهوول تام ، ودقات قلبه تنبض بسرعة البرق ، وكأنه وقع عليه الصاعقة ، متظاهرا كأن شئ لم يكن ! ! !

يااااه دى حاجة ولا فى الاحلام ، قصتك دى غريبة أوى ! ! ! !

انتى بجد فجئتينى ، وأد ايه قصتك مؤثرة جدااا ، وأد ايه الناس دى كبروا فى نظرى أكتر من الأول ، وفعلا ماحدش بيعمل كدة مع ولاده ، وهما ربوكى أحسن تربية ، وأحسنوا إليكى ، وفعلا هما يتشالوا ع الراس .

شهد وهو فخورة بوالديها والحديث عنهما وعن تربيتهم لها قائلة : .

أنا ال فخورة بيهم بجد ، وماحسسونيش لحظة انى مش بنتهم ، بالع** كانوا بيخافوا على جدا ، وكان نفسهم يشوفوا عيالى ، ولكن ربنا ماأردش لحكمة هو يعلمها ، والحمد لله على كل شيء . . . . . . . . . . . . .

. . . . . . . . . . . . . . . . . . . . . . . . . . .

خالد وهو يرفع حاجبه ويهز رأسه ويلوحها من عدم تصديقه لما يسمع ويشعر بشئ من الفخر تجاه والديها :

انا بحسدك على الناس دى بجد ، وتمسكى بيكى بيزيد يوم عن يوم ، وربنا يقدرنى وأكون دايما عند حسن ظنهم ، ومافيش حاجة باايدك ولا باايدى ، كله فعلا باايد ربنا احنا موجودين فى الحياة بس ، عشان نكمل بعض . . . . . . . . . . . . . . . . .

. . . . . . . . . . . . . . . . . . . . . . . . . . .

شهد والإبتسامة تملأ قلبها والإبتسامة على وجهها لما تسمعه من خالد لها :

انا دلوقتى مش ندمانة انى عرفتك ، وكل يوم بتثبتلى أن ربنا هيعوضنى عن كل الايام ال عشتها ، ودايما بحمد ربنا ع الظروف ال انا فيها ، وال جمعتنى بيك .

بس عايزة الموضوع ده يبقى بينى وبينك ، مافيش مخلوق يعرف عنه حاجة . . . . . . . . . . . . . . . . . . .

. . . . . . . . . . . . . . . . . . . . . . . .

. . . . . . . . . . . . . . .

خالد بعد أن هدأ ، وقلبه بدأ ينبض ببطء قائلا :

ماتقلقيش مافيش حد هيعرف حاجة ، وده وعد بيبنى وبينك ، وماتخافيش من حاجة طول ماانتى جمبى ومعايا .

. . . . . . . . . . . . . . . . . . . . . . . . . .

وان شاءالله نيجيلكوا بكرة انا وامى نحدد معاد للفرح ، ومش عايزك تقلقى من حاجة طول ماانتى جمبى .

شهد قبل أن تغلق المكالمة :

كنت عايزة أقولك حاجة قبل ماأقفل ،

خالد : قولى انا سامعك كويس .

شهد والخجل يبدوا عليها من نبرة صوتها :

كنت عايزة أقولك انى (بحبك) .

خالد وهو قلبه بيطنطط من الفرحة : يااااااه ع الفرحة ال انا فيها دلوقتى ، وانا كمان بحبك اووى وحاسس إن الارض مش شايلانى . . . . . . . . . . .

. . . . . . . . . . . . . . . .

وأغلقلا المكالمة وكل منهم لم يصدق بأن الله أعطى لهم فرصة أخرى ، لكى يشعروا بالسعادة ، ويعوضهم على الأيام السابقة . . . . . . . . . . . . . . . . . . .

. . . . . . . . . . . . . . . . . . . . . . . . . .

وفى صباح اليوم التالى : .

استيقظ خالد من نومه على غير العادة ، من النشاط والحيوية ، وأخد يقبل ابنته ليلى ويغنى لها ، ويخبرها بأن الله سوف يعوضها عن حنان الأم الذى فقدته من صغرها ، وابنه الذى يحتاج الحنان والامان ، ووالدته التى تحتاج أحد بجانبها ، ليساعدها ف تربية الأولاد .

وبلغ أمه بأن تتفق مع والدة شهد لكى نحدد معاد لنتفق فيه عن موعد الزفاف على أن يكون فى أقرب وقت ممكن .

.........

أمه وهى سعيدة عندنا تشاهد ابنها بعد وفاة زوجته ، وقد انقلب حاله وتبدل حزنه الى فرح ، وترفع يدها إلى السماء وتدعوا له بالسعادة وراحة البال قائلة له : .

روح ياابنى ربنا يسعد قلبك ، ويقربلك كل حاجة انت بتتمناها .

فرفعت ام خالد التليفون على أم شهد وحددت موعد للاتفاق على موعد الزفاف .

.........

وذهب خالد إلى عمله وكله نشاط وحيوية ويلتقى بصديقه حسين وبدأ يحكى له عن إحساسه بالسعادة قائلا :

انا حاسس ان ربنا هيعوضنى عن كل حاجة فقدتها .

حسين وهو فرحان لفرح صديقه خالد :

مش قولتلك ربنا هيف*جها ، وهيعوضك خير . . . . . . . . . . . . . . . . . . . . .

. . . . . . . . . . . . . . . . . . . . . . . . . .

وف المساء يذهب خالد مع والدته الى منزل والد شهد والأسرة تتبادلان الترحاب وكل منهما معجب باللاخر .

والحاج جمال يجلس على الأريكة مرحبا بهم :. اهلا يا أستاذ خالد اتفضل اتفضلى ياحاجة نورتونا تعبين نفسكوا ليه احنا بقينا أهل خلاص ماتكلفوش نفسكوا البيت واحد .

أم خالد : ربنا يديم العز ياحاج، ده من بعد خيركم طبعا .

...

اتفضلوا اقعدوا . تشربوا ايه ؛

خالد : أى حاجة ماتتعبوش نفسكوا ، احنا جاين انهاردة عشان نحدد معاد الفرح ، ده بعد اذن حضرتك طبعا ياحاج .

يرد ابو شهد قائلا : ده احنا نجهزهالكوا ونبعتهالكوا من غير أى حاجة .

أم خالد : كلك ذوق ياابو العروسة ، ربنا يديم علينا الفرح ، وبنتكوا هتبقى فى عنينا .

كفاية أنها طالعة من بيت أصيل ، وبنت ناس محترمين .

أم شهد والفرحة مش سايعاها :

ربنا ال عالم بالحال والطيبون للطيبات .

وشهد تجلس على الأريكة وهى فى خجل تام وهى فى قمة أناقتها وسعادتها

. . . . . . . . . . . . . . . . . . . . . . . . .

وعند الاتفاق :

اتفقوا على موعد الزفاف على أن يكون فى أقرب وقت ، على أن يكون فى الأجازة الصيفية ، بعد شهر ونص من الأن ، لكى يكون الكل فى أتم استعداد ، وفى انتظار اللحظة التى ينتظرها الجميع . . . . . . . . . . . . . . . .

. . . . . . . . . . . . . . . . . . . . . . . . .

والجميع ع استعداد ليوم الزفاف ، وفى هذا اليوم المنتظر ، يذهب خالد ليأتى بعروسته التى كانت أية فى الجمال ، وكان الفستان يناسب قوامها بشكل مغرى ، ولأول مرة أعلم أنها تمتلك قامة طويلة ، وجسد ممسوق متوسط الوزن بص*ر بارز وعيون زرقاء اللون ، وأخذ يغازلها ببعض الكلمات ، ثم نظرت ال عينينه وكأنها تقول له أخيرا جه اليوم ال هنبقى مع بعض فيه .

وهو يبادلها نفس الاحساس :

ويأتي بها إلى منزله ، ليبدأ حياة سعيدة مع الإنسانة التى كان يتمناها ، وتعوضه عن زوجته أم أولاده التى مازال ذكراها فى كل مكان ، ولكن تلك هى سنة الحياة ، وفى ذلك اليوم أخذت أمه الأولاد وذهبت بهم بعيدا عن المنزل لمدة أسبوع ، عند أختها لتترك العرسان سويا ، وقد أعدت لهم مالذ وما طاب من الطعام فى تلك الليلة ، وعادت الحياة كما كانت ، وعاد خالد إلى عمله وإذ بصديقه حسين يأتى إليه ليبارك له على الزواج الذى لم يحضره سوى الاسرة وبعض الأقارب ،

ويخبره بما حدث معه فى تلك الفترة الماضية . . . . . . . . .

خالد وهو يرحب بحسين ، ويبادله التهانى ويقول له : أنا أسعد انسان ف الكون كله ، وعقبالك ياحسين لما تحقق انت كمان ال بتحلم بيه ،

حسين وهو يرفع عينيه ويفتح فمه وملامحه تبدوا عليه السعادة : أن شاء الله هتسمع أخبار حلوة الفترة الجاية .

خالد وهو ف استغراب ممتزج بالسعادة :

خير ياحسين فى تطورات حصلت ولا ايه .

حسين : أنا رحت لسالى اتقدمتلها لما عرفت انها سابت بيت جوزها الله يرحمه ، وجات قعدت عند والدها .

فأخذت إذن ، ورحت زورتهم ف البيت ،

وكلهم كانوا مرحبيبن بيا ، ودى كانت بداية مبشرة ليا .

ولما قعدت مع سالى وعبرتلها عن كل ال جوايا حسيت أن فى قبول ، وطلبت اننا نتقابل ونقعد مع بعض تانى .

ومن ساعتها وانا مش مصدق نفسى ، وطاير من الفرحة .

خالد : بجد ياحسين فرحتنى جدا ربنا يسعدك ياحبيبى ، ويقدملك ال فيه الخير وانت انسان كويس وتستاهل كل خير ، وان شاء الله نسمع أحلى أخبار الايام الجاية . . . . . . . . . . . . . . . .

. . . . . . . . . . . . . . . . . . . . . . . . . .

. . . . . . . . . . . . . . . .

وتمر الايام وهم يعيشون مع بعضهم ف سعادة مليئة بالحب والحنان ، والأولاد كانت تعتبرهم أولادها ، فكانت تحنو عليهم وتعوضهم عن فقدانهم من حنان الأم .

وخالد من وقت لأخر يتحدث إليها ليخبرها : لقد احتاج كلانا إلى الأخر لنكمل بعضنا البعض ، فأنا أريد رفيقا يؤنس وحدتى ، وانتى تحتاجين الى الدفء والمأوى ، ولقد صرنا نمضى أياما ونفهم بعضنا البعض جيدا . . . . . . . . .

. . . . . . . . . . . . . . . . . . . .

. . . . . . . . . . . . . . . . . . .

وتمر الايام وتصبح أسابيع ، والأسابيع تصبح شهور ، الى أن تحول الأمر الى سنتين كاملتين ، والكل ف رضا تام ، والحياة فى استقرار تام . . . . . . .

وفى يوم من الايام تشعر شهد بوجع ودوخة على غير العادة .

لتتصل بخالد وهو فى عمله ، والتعب يزداد عليها من وقت لأخر : .

أيوة ياخالد عامل ايه .

خالد وقد يبدوا عليه القلق : خير ياحببتى مالك صوتك متغير ليه فيكى حاجة ولا ايه .

شهد بصوت خافت :

انا حاسة انى تعبانة اوى ، والأرض مش شايلانى، وبقول شوية وهرتاح .

بس التعب بيزيد ، ومش قادرة أقف على رجلى .

خالد وهو يرد عليها بقلق :

تعبانة ازاى طيب ماتقلقيش تلاقيكى أخدتى برد وانتى نايمة ، انا هاخد أذن من الشغل وجايلك حالا ، ونروح للدكتور ونشوف اللازم ونعمله . . . . . .

شهد وهى مستسلمه : .

حاضر ياحبيبى ال انت شايفه بس تعالى على مهلك . . . . . . . . . . . . .

. . . . . . . . . . . . . . . . . . . . . . .

عاد خالد من عمله وانحنى إليها ليسألها بقلق : هل أنتى بخير ؟

وتجيب شهد وقد تجمعت الدموع فى عينيها من التعب :

انا أسفة انى قلقتك ، بس انا حاسة بتعب شديد ودوخة .

طيب أجهزى يالا نروح للدكتور حالا .

. . . . . . . . . . . . . . . . . . . . .

وعندما وصلوا للطبيب قال خالد للممرضة : لو سمحتى عاوزين نكشف كشف مستعجل .

حاضر : اتفضل اقعد ، وهتدخل بعد الكشف ال هيخرج .

. . . . . . . . . . . . . . . . . . . . .

وجلس خالد وشهد لينتظر معاد الكشف :

ماتخافيش هتبقى كويسة إن شاء الله .

ثم سار متجها الى غرفة الكشف فى نهاية الممر .

ودخلا للطبيب وهو ماسك يديها ليطمئنها ،

الدكتور وهو يرحب بيهم قائلا :

ألف سلامة ، خير ان شاء الله ؟ ؟

فأجاب خالد وهو يبدوا عليه القلق : .

مافيش يادكتور شهد فجأة بتشكتى من وجع جامد فى بطنها ، وحاسة أنها داخية ، كنت عاوز حضرتك تطمنا بس عليها ....

الدكتور وهو يلوح بيده نحو السرير :

اتفضلى هنا يامدام .

وحين فحص الدكتور لشهد يفاجئهما الطبيب بشئ لم يتوقعاهما من قط .

خالد وهو يحاول الاطمئنان على شهد : خير يادكتور شهد تعبانة من ايه طمنى عليها .

الطبيب قائلا :

. . . . . . . . . . . . . . .

. . . . . . . . . . . . . . . . . . .

. . . . . . . . . . . . . . . . . . . . . .

لتكملة القصة تابعونى ،

وبكدااا يكون الفصل خلص

وانتظرونى فى فصول جديدة فضلا وليس أمرا ،

دمتم سالمين . . . . . . .